Thursday,
August 28, 2008 -
Ba’nayoo
hoognayeey tanina ma noo dambaysay!!!
ayaa mar qudh ah afkayga iyo qalbigayga ka soo booday aniga oon is
ogeyn sida uu xaalkaygu yahay, ka dib markii aan caawa dhegaystay
oohinta gabadha la yiraahdo Aamina Musse Cadde oo hadda ka hor ay
shaqaalaha Tigreega u qaabilsan gumaysiga Soomaaliya u sheegeen in
ay tahay Agaasimaha Guud ee Canshuuraha Degadaha Soomaaliya.
Catawga iyo cabshada gabadhaas iyada oo mas’uul isu haysata uu
odayga Tigreega ihi amarka ku bixiyey in loo soo xirxiro oo
gurigiisa loogu keeno, deedna uu mudada iska haystay ayaa waxaa
isna cabasho boohin ah ku biiriyey ninka labaad ee ugu
dabadhilifsan inta Tigreega u shaqaysa, isla markaana ugu qalbiga
adkaa uguna xaasidsanaa qabqalayaasha dagaalka, Mr. Maxamed Dheere
(ka tixraac: HOL, 27
August, 2008).
Tani
waxay mar kale qalbigayga ku soo cusboonaysiisay xusususta
cinwaanka qoraalkaan oo aan hadda ka hor qoray aniga oon weli dhib
weynba ka helin dhaqanka gumaystayaasha Soomaaliya. Qoraalka
cinwaankan oo kale ayaan hadda ka hor ku faafiyey dhawr Website oo
ay ka mid ahaayeen “luuliyo.com” iyo “alldalka.com”.
Xilligaas hore waxyaalihii aan ka qaylinayey waxaa ka mid ahaa:
-
Cadawga Soomaaliyeed ee
Tigreega oo bishii koowaad ee gumaysigooda calanka
Ethiopia
ka taagay dhammaan xarumihii astaanta dawladnimada ee
Soomaaliyeed sida: Xaruntii Gaashaan dhigga Soomaaliyeed,
Madaxtooyadii Qaranka, Fagaarihii Bandhigga waxqabadka iyo
horumarka dalka ee Tarabuuka, Fagaarihii dab ridka ee Carbiska,
iyo meelo kale.
-
Qaabka calanka looga taagay
dhulalkaas oo ah qaab muujinaya mulkinta iyo hanashada dhulka.
Calanka ayaa ahaa mid ciidda loo qoday oo lagu qotomiyey sida
in ay dhulkiisii tahay, halkii haddii dhismo taagan dushiisa
laga taago sida safaarad oo kale ay arintu caymo lahaan lahayd
-
Gumaystayaasha oo si
foolxumo ah u kala eryey raxamo dad ah oo isku dayey in ay u
dabbaal degaan maalintii xornimda Soomaaliya ee 1
da July. Dabbaaldegayaashaas ayaa lagu war geliyey in
aysan dib dambe isgu imana Karin munaasabad tan la mid ah
-
Astaantii ciidanka cirka
Soomaaliyeed oo durba la badelay lagana dhigay isla astaanta
ciidanka cirka ee
Ethiopia
iyada oo lagu sheekaynayo in ay ka walax tahay iskaashiga
labada ciidan cir, inkastoo uusan midkood maanta jirinba
-
Khudbaddii dheerayd ee uu
taliyaha ciidanka Tigreega Mr. Gabre uqaabilsan gumaysiga
Soomaaliya u jeediyey oday-dhaqameedyada beesha Hawiye oo uu
ku furfurtay “war Hawiyow Dir, Daarood, Digil iyo Mirif
intuba way ina soo dhaweeyeen oo na rabaane maxaa idinka nagu
kiin taagay”? ka dibna uu ugu qalbi qaboojiyey in cidda uu
doonayo ee uu cirib tirayaa aysan Hawiye oo dhan ahayn ee Cayr
oo keliya tahay. Taasina waxay isoo xusuusisay beer dulucsigii
iyo beer laxawsigii ay nagu dayeen (haddaanu ahayn
siyaasiyiintii ka soo jeeday beesha Daarood) kolkaan joognay
xeradii Doofaarreey ee lagu soo unkay laguna soo naaxiyey
calooshood u shaqaystayaalka maanta u adeegaya gumaysiga ay ku
qarwayaan qawmiyadda tirade yare dunida ugu miisaanka hoosaysa.
Kalmadahaas oo ahaa “annagu haddaanu Tigree nahay idinka
Daarood ah ayaan idin taageeraynaa oo waxaan idiin gudaynaa
Abaalkii ay dawladdiinii Barre noo soo gashay, waxanan
doonaynaa in aan Hawiye idnkaga aarno silicii iyo saxariirtii
ay idin badeen”.
Maqaalkii
hore ee isla cinwanakaan ahaa waxyaalhii igu dhaliyey ayey kuwaasi
ka mid ahaayeen. Balse tabartii gumaysi halbeeg ee Cutubka
keligiis Wareega ee Tigreega oo sii xidido mudatay awgeed ayey
dhacdooyinku intaa ka sii fogaadeen oo waxay gaareen heerarka ay
ka mid ayaahaan:
·
Taariikhdu markii ay ahayd 21 kii Febraayo 2008 dii ayuu Generaal Gabre usoo galay hogaamiyaha
calooshood u shaqaystayaalka daba dhilifyada ah, Mr. Cabdullahi
Yuusuf isaga oo ka xanaaqsan hakad ku yimid awaamir hore oo uu
baxshay awgeed, ka dibna DHARBAAXO XOOG LEH AYUU KAGA SOO GOOYEY
WEJIGA NINKII MADAXWEYNAHA SHEEGANAYEY (Innaa
Lillaahi wa innaa ileyhi Raajicuuna), kana sii baxay isaga oo
ku goodinaya in uu dili doono gebigiisaba (ka sii tixraac
warbaahinta ay ka midka yihiin: PressTV – 22 Feb. 2008,
Hiiraan.com, iyo kuwo kale)
·
Taariikhdu markii ay ahayd Arbaco,
August 13, 2008
ayey ciidamada
Ethiopia
ee ku sugan gudaha degmada Afgooye si weji gabax iyo foolxumo ah
meel fagaare ah hub-ka-dhigis ugu sameeyeen Guddoomiyahii
Degmadaas Maxamed Cumar Muuddey, iyaga oo ugu goodiyey xabsiga
Alambaqo ama Xabsi Ogaadeen (ka sii tixraac Hiiraan.com, HOL, iyo
guud ahaanba warbaahinta Soomaaliya)
·
Maalintii la meel marin waayey
Ra’isulwaseernimadii M. C. Geeddi oo lagu sifayn karo in uu
yahay Abeeso fanax leh oo afka u dhigatay xoogaagii deeq ahaanta
loo siiyey dadka macluusha ugu dhamaanaya Soomaaliya waxaa la
tartan siiyey dhawr nin oo soo hunguriyeeyey jagadaas ugu
dambaystiina uu ku baasay Nuur Cadde, inkaastaw u muuqdo in uu
yahay oday nabad doon ah. Tartankaas ayaa muqaabaladiisa (interview) waxaa qaadayey saraakiil Tigreey ah, su’aalihii ay
weydiiyeena waxaa ka mid ahaa “Haddii adiga oo Muqdisho jooga oo
maamulkaaga wata ay mas’alo kugu adkaato xaggee ayaad ula
noqonaysaa oo jawaabta ka doonaysaa”? Mid ka mid ah
tartamayaashii ayaa ku jawaabay “kolleey inta diyaarad
Helicopter ah la igu qaado
Addis Ababa
la iga soo siin mahayo jawaabta ee halkayga ayaan ku xallisan
doonaa”. Waad dhacaday ayaa loogu war celiyey!!
·
Taariikhdu markii ay ahayd 29 kii April 2008 ayuu Nuur Cadde u diray warqad Maxamed Dheere uu
ku amrayo in uu hubka iska dhigo. Hase ahaatee qaabka ay
warqaddaasi u qornayd ayaa tusinaya cidda rasmi ahaan u xokunta
Soomaaliya oo ah Askariga maanta soo xaraystay gabadhii dhaqaalaha
baadda ah (gibir) ee ay
u bixiyeen Canshuur uga soo aruurinaysay Degadaha, ka dib markii
uu soo dhameeyey gabdhihii Soomaaliyeed intay ishu qabatay ee uu
haleelay. Warqaddaasi waxay ku bilaabatay “Ku: Guddoomiyaha
gobolka Banaadir, Og: Col. Yohana Abate, ENDF Commander, iyo dhawr
kale, ugu dambaystina Og: Madaxweynaha, C. Yusuf” (tixraac:
alldalka.com,
Thursday May 08 2008
, IWM)
·
Taariikhdu markii ay ahayd 25 kii August 2008 ayay ciidamada Tigreegu ku amreen dhammaan
madaxda iyo mulkiilayaasha Xawaaladaha Muqdisho in ay bishiiba
iska dhiibaan baad lacageed oo dhan $20,000. laakiin waxay kuwada
cabaadeen in aysan u suurtoobi Karin oo dakhliga soo galaaba uusan
intaa dhamayn. Laakiin taasi waxay gaarsiisay in xabsigii Afar
Irdood laga buuxsho gebi ahaantoodab ayna xilligaan ana qoraalka
qorayo ku gaartay maalintii saddexaad oo ay xabsi dhinaca ujiifaan
iyaga oo bahdalaysan.
·
Taariikhdu markay ahayd
27 August 2008
, ayey ciidamadaas oo tuhunsan in ay jiraan
lacago laga aruuriyey maatada muwaadiniinta ah oo aan
gacantooda soo gelin ayey burburiyeen xaafiiskii baadda u aruurin
jiray, gabahdii u madaxda ahaydna iska wateen oo ninka u madaxda u
ah oo guri qurux badan bililiqo ku degan loogu geeyey, si ay ugu
geerasheeyo inta uu khamarada cabayo
·
Dhab ahaantii aad bay u fara badan yihiin ceebaha
iyo musiibooyinka aan kala kulanay Qandhicilleey ee waa in aan
isku daynaa bal in aan si xiilad ah uga fara baxsanaa, deedna is
gacan qabsanaa inaga oo wax kaste oo dhacay ama naloo geystay iska
illoobayna (XALAY DHALAY).
·
Ugu dambaystii, waxa igu xambaaray ku halqabsiga
Cinwaankaan xusuus aan ka hayo odayga uu mashaqeeyey cudurka
Anaaniyada xukun is moodsiinta ah (super
ego = ana al ‘aclaa) ee madaxweynenimada u waashay, Beer
Adhile. Xusuustaas oo ah maalintii uu calanka
Ethiopia
ka taagayey magaalooyinka Soomaaliyeed ee ay ka midka yihiin
Balanbal ayna Xabashi ugu abaal guday todoba sano oo xarig
Alambaqo ah. Taas oo lala xiriiriyo sanadkaa maanta ah oo markii
uu gacanta u geliyey dhammaan dalkii Soomaaliya mood iyo noolba,
dadweynihiisiina bar wiiqay ay ugu abaal guday Dharbaaxooyin iyo
Fagaare ku ceebayn ay go’aanadiisa ku
buriso sida tii ugu dambaysay ee ah in uu ku soo hungoobay
maxkamaddii (hearing)
uga socotay Addis Ababa mudaddii labada Asbuuc ahayd ee ay
dhammaantood isku mar dalka ka maqnaayeen iyaga oo maxkamad la
saarayey.
·
Halqabsiga cinwaanku ma ahan wax rag loogu maahmaaho,
balse waa wax rag ragaasiye loogu maahmaaho. Waxay ku timid (sida
la weriyey) ka dib markii uu nin mooryaan baadiyood ihi kufsaday
gabadh adhi la joogta. Isaga oo iska dul madoobeeyey ayey
hooyadeed soo dul istaagtay oo dhinac uga tuurtay. Hase ahaatee
habartii qudheedii ayuu kula booday oo iska dul madoobeeyey.
Gabadhii oo ba’ayeeysanaysa ayaa ka qabo maagtay. Laakiin
hooyadii oo goorba macaansanaysa ayaa tiri “hooyooy iska daa”. Gabdhii oo yaaban ayaa af labadii yeertay “HOOYOOY
MA LA ISKA KICINAYEY MISE WAA LA ISKA KACSANAYEY”.
Qore: Alqaasim Xirsi Faarax
Email: qaasim@mail.com
Xafiiska Wararka ee Toronto, Canada
Qaranimo Online
info@Qaranimo.com
