Tuesday, July 15, 2008 -  Shalay Gabaldhicii ayay ahayd Markii darsin Hubka Mootarka ah lagu Gaaracaay Airapoorka Magaalada Muqdisho taasi oo la sheegay in ay ka soo dagaysay Diyaarad Milatari oo aan la shaacin balse warar shalay la isla Dhexmarayay ay sheegayeen in ay ahayd Diyaarad Milatari oo ay lahayd Itobiya.

Duqayntaasi ayaa waxa ka jawaabay Ciidamada Itobiya ayaga oo Madaafiic  aan loo Meeldayin ku Garaacay xafadaha Hodon iyo H/wadag waxaana jira qasaarae soo gaaray dad rayid ah oo aan ilaa iyo haatan la qiyaasin inta ay la egyihiin Balse goobaha Caafimaadka ayaa la geeyay Dhaawac.

Sidoo kale waxaa xalay Degmada Dharkeenleey ee Madiina ka Dhacay Dagaal la isku adeegsaday Hubka Fudud iyo Qoryaha Garabka laga Rido kuwaasi oo lagu weeraray nin lagu sheegay in uu ahaa Taliyaha Ciidamada ee Galbeed kaasi oo magaciisa lagu soo Gaabiyay Col. Shiine waxana la sheegay in dhaawac uu soo gaaray.

Madiina ayaa maalmahaanba waxay ahayd Xaafad  aan dagnayn ayada oo ahayd Xaafada ugu amaanka badan tan iyo Markii ay dhaceen Dagaalada ay Ciidamada Itobiya ku soo qaaday Soomaaliya marka laga reebo Xiligii uu haysan jiray Muuse Suudi oo ay dadka rer Madiina dhibaato Kufsi Dil Dhac iyo afduub ay u gaysan jireen Maleeshiyaadka Muuse Suudi oo hadana Gurigii la dhisayo baad ay ugu magacdareen canshuur ka qaadi jiray.