Monday November 24, 2008 - Toronto-Canada:  Waxaa caawa oo ay taariikhsu aheyd November 23, 2008 8dii fiidnimo ka dhacay magaalada Toronto ee dalka Canada casho sharaf ay isugu yimaadeen dhamaan Bahweynta Sportiga Soomaaliyeed ee ku dhaqan magaalada Toronto, iyo qar kamid ah qaar kamid ah Jaaliya Soomaaliyeed ee magaalada Toronto ayaa looga hadlaayay sidii loo soo afjari lahaa khilaafkii mudada dheer soo jiray ee u dhexeeyay labada urur ee kala ah SOSCA iyo Today.

 

Waxaa halkaas ereyo waano, talooyin, wacyi  gelin iyo waayo aragnimaba kasoo jeediyay waxgaradka Sport-ga, odayaasha iyo qaar ka mid ah wadaniyiinta Jaaliyada oomaaliyeed ee Toronto.

 

Labadaan ururu ayaa ah kuwa sanad waliba soo bandhiga ciyaaraha layiraahdo SOOMAALI WEEK, ciyaarahaas oo ay ka soo qeyb galaan ciyaartoow iyo kooxo farabadan oo ka kala yimaada Dalalka Yurub iyo Waqooyiga Amerika.  Ciyaarahaan oo sanad waliba labadan ugu ay kala qeybsanadaan kooxaha ka kalayimaada wadamadaas ayaa waxay keentay kala tag iyo tafaraaquq ku dhacay bulsha weynta Soomaaliyeed ee ku nool magaalada Toronto iyo nawaaxigeeda.

 

Ciyaaran oo ah kuwo socdo in ka yar laba sitimaan ayaa waxaad ka dareemeysaa magaalada Toronto guux iyo hami aad u weyn oo soo gala dhaliyada iyo bahweynta jecel ciyaaraha, iyagoo si aad u u jecel inay daawadaan ciyaarahan ayaa hadana waxaa jiro kala daadsanaan iyo tafaraarur iyo jahawareer. 

 

Hada cashadaan caawa laysugu yimid ayaa muhiimadeedu waxay aheyd sidii loo soo gabagabeyn lahaa loona soo afjari lahaa kala daadsanaanya bulsha weynta ku dhaqan Toronto.  Waxaa heshiis 10(toban) qodob kakooban kukala sixiixday madaxda iyo maamulka sare ee laba urur, iyadoo ay heshiiskaas goobjoog ka ahaayeen Macalimiin, ciayaartooy hore iyo kuwo cusub, madaxda jaaliyada Soomaaliyeed ee Toronto, muqaadiniin Soomaaliyeed ee daneeya isu soo dhawaanshaha labada garab iyo Ganacsatada Soomaaliyeed ee magaalada Toronto. 

 

Heshiiskaan oo ahaa mi taariikhi ah ayaa waxa uu ku dhamaaday is afgarad, calool fiyobi iyo wada shaqeyn, iyadoo laba urur madaxdooda iyo maamulkoodaba ay balan qaadeen inay fulin doonaan heshiiskaan cidii ka hortimaadana ay talaabo laga qaado.  Waxa ay ku nuuxnuuxsadeen iyo is afgaran waaga ka jira bahda sportiga uusan aheyn mid meel dheer jira balse u baahan dulqaad, samir iyo isu calool fiyoobi.

 

 

 

 

 

 

 

 

 

CLICK HERE FOR PICTURES