Sunday
November 16, 2008 - Baydhabo:
Madaxweyne Cabdullahi Yusuf oo la
hadlaya mudanayaal ka tirsan baarlamaanka Somaliya ayaa
sheegay ineysan dowladi ka jirin Somalia wuxuna taas ku
eedeey R/W Nuur Cadde.
Madaxweynaha Soomaaliya,
Cabdullaahi Yusuf Axmed, ayaa ku tilmaamay in Soomaaliya aanay
lahayn xukuumad.
Waxaa uu Nairobi ugu warbixiyay mudanayaal boqol kor u dhaafay
oo ka tirsan golaha baarlamaanka Soomaaliya.
Wuxuu inta badan ka hadlay
laba arrimood oo kala ah: khilaafka isaga iyo Raiisal Wasaare
Nuur Xasan Xuseen iyo xaaladda dalka.
Xagga khilaafka wuxuu ku
tilmaamay in aanuu ansixin karin Gole Wasiirro oo ay ku jiraan
dad dowladda duminaya.
Xaaladda dalka Madaxweynuhu
aad ayuu uga deyriyay. Wuxuu sheegay in aayaha dalku uu marayo
meel aad halis u ah.
Wuxuu ku tilmaamay in
dowladdu ay gacanta ku hayso laba magaalo oo keliya, waa
Muqdisho iyo Baydhaba.
Labada midkoodna ammaan ma
aha ayuu yiri.
Muqdisho iyada waxaa uu ku
tilmaamay in nimanka dagaallamayaa ay hareereeyeen.
Ugu dambeyntii waxaa uu
Madaweynuhu u soo jeediyay mudanyaashu in ay dalka ku laabtaan,
talana dib la isugu noqdo.
