June 4, 2009 Baydhabo QOL) Maamulkii hore ee gobolada Bay iyo Bakool oo daboolka ka rogay in weerar ay ku soo yihiin Magaalada Baydhabo.

Kadib markii maalamihii ugu danbeeyey dhaqdhaqaqyo ciidan ay kasoo cusboonaadeen qeybo ka mid ah gobalka Bakool ayaa waxaa qaar kamid ah masuuliyiintii gobaladani laga ceyriyey ay sheegeen in ay weerar ku soo yihiin goobaa iminka ay maamulayaan Al-shabaab.

Guddoomiyihii hore ee maamulka gobakla Bay C/fitaax maxamed ibraahim geesey oo maanta lasoo xariirey wariyaasha magaalada baydhabo ayaa waxaa uu sheegay in ay ku jiraan qabanqaabadii ugu danbeysey oo kusoo weerarayaan gobaladani.

Waxaa uu ku hanjabay geesey in iminka ciidamadooda ay kusugan yihiin qeybo badan oo ka mid ah gobalada Bay iyo Bakool sida uu isagu hadalka u dhigay abaabuladii ugu danbeeyeyna ay wadaan.

Hase yeeshee waxaa uu si gaar ah uu u xusey guddoomiyihii hore maamulkii gobalka Bay in ciidamadooda oo wata baabuurta dagaalka ay badankooda ay joogaan deegano ku dhowdhow magaalada xudur.

Inkastoo maalamaanba cabsi xaagan laga dareemayey qeybo ka mid ah Bakool ayaa hadana aan la ogeen saameynta dadka ku dhaqan gobaladi ay ku yeelan karto hadalka kasoo yeerey Mr. Geesey.

Ma jirto wax war ah oo kasoo baxey maamulka Al-shabaab ee ka taliya gobaladani oo ku aadan hadalka kasoo yeeraya maamuladii hore.

Sikastaba ha`ahaatee,Mas`uulkani maamuladii hore ka tirsan ayaa waxaa uu beeniyey ay gacan ka helayan ciidamada dowlada Itoobiya.

Xafiiska Wararka Bay iyo Bakool
Qaranimo Online
Baydhabo,Bay