Burburkii Qaran ilaa Qoys:-   Qaybtii10aad.

OPINION / FIKRAD

February 24, 2010 - QOL - (Soomaali badan ayaa waxay aaminsan yihiin in burburka ku dhacay Soomaaliya uu ku kooban yahay oo keliya Qaran amase haykalkii Dowladnimo,balse arimuhu intaa waa kabalaadhan yihiin,burburka dhacayna waa mid  gun iyo baar ah).

Sababihii keenay burburka:-

Marka aad doonayso in aad  sharaxdo amase qeexdo  sababihii keenay burburka ku dhacay Soomaaliya ,waxaan qabaa in uu dhaafay xadkii sababo  loo yeeli lahaa.Waxaa aad u dag  halka laga bilaabayo,cida ka masuul ah , goorta burburku bilowday iyo halka  burburkaa socdaa uu ku dhamaan doono iwm.

Intii aan raadinayey sababaha keenay burburkaa balaadhan ee Soomaaliya ka dhacay,ayaa waxaa ii soo baxay sababo aad iyo aad u fara badan  oo dhamaan la odhan karo waa  kuwa ugu muhiimsan , sababahaa keenay burburka dhacay,qaar hore ayaan idiinku soo sheegay ,maantana bal kuwan ila eega:-

1.    27 Juun 1977 waxaa xoroobay  oo ka goay Soomaalida inteeda kale  wadan maanta loo yaqaan Jabuuti(French Somaliland),oo ka mid ahaa shantii Soomaaliyeed ee la doonayey in mid laga dhigo. Jabuuti waxay soo xidhay,soo ooday,soo afjartay,soo gabagebaysay rajadii laga qabay in mar uun la helo SHAN Soomaaliyeed oo isweheshada.Jabuuti waxay 27 Juun 1977 u quus goysay cid kasta oo aaminsanayd,ku hamiyeysay Soomaliweyn,waxayna sooba xidhay xataa wadadii loo mari lahaa.Waxay dad badani aaminsan yihiin in ay Jabuuti ka faaiidaysatahy,kuna quus qaadatay wixii kala gaadhay amase sidii ay u wada dhaqmeen Soomaliya(Italian Somaliland) iyo (British Somaliland) ka dib midowgii dhexmay 1Juuliyo 1960.

2.   18 May 1991 waxaa iyana indhaha kala qaaday shacabka Somaliland,oo mar kale dib ula soo noqday xoriyadii ay sida fufud ugula midoobeen Soomaaliya 1960.Somaliland waxaa xilligaa 1960 ay Soomalida kale u arkayeen, dad waalan oo aan fahansanayn xoriyadii ay heleen,marar bandanna waxaa si aan qarsoodi ahayn meelo fagaare ah uga sheegay madaxdii xilligaa Soomaliya xukumaysay.Markale waxaa meesha ka sii baxay hamigii iyo hadal hayntii erayga Somaliweyn,waxaa runtii gebi ahaanba burburtay wadadii loo mari lahaa Somaliland,waxaa iska ilaaway kuwii awelba ku dhadhabi jiray erayga Somaliweyn,oo ahaa reer Somaliland.

3.   Diinta –Soomalidu waxay bilowday 15kii sano ee igu dambeeyey in DIINTA ,ay ka dhigato wada loo maro XUKUNKA IYO XILKABA,waxaa dhismay kooxo magac diimeed leh balse dantooda ugu weyni tahay in ay Diinta ku gaadhaan mansan iyo dano iyaga u gaar ah.Waxaan si aad ah u aaminsanahay in haddii DIINTA loo isticmaalo si khaldan oo laguna raadiyo dano gaar ah ,in ay iman karo burbur aan weligii joogsan.

4.   Ka dib burburkii ku  yimid Soomaliweyn,waxaa bilowday burbur kale oo ku dhacay Soomaliya keligeen.Waxaa dhowaan ku dhawaaqday in ay  ka goday Soomaliya Puntlaand, oo samaysatayna calan iyo astaamo u gaar ah, waxaynu maqalay maamulka GALMUDUG,waxaa hadda la wadaa dhisida  maamulka DIGIL IYO MIDHIFLE oo laga yaabo in dhowaan lagu dhawaaqo, lehna astaan iyo calan u gaar ah,waa astaan kale oo ku tusaysa in Soomalidu ay  kala tashatay.

5.   Waxaa CANDHUUFTOODII   dib u liqay NFD iyo OGADEN ,oo aan filayo markay arkeen sida wax u socdaan in ay aamineen  xilligan in ay iskala noolaadaan Dowladihii mudada dheer GAMAYSANAYEY .

6.   ma fahansan tahay erayada ay ka mid tihiin:-

“la socoqaybta 11 aad ah tan ugu dambaysa  sababahii keenay burburka  Soomaliya”

Caawi agoonta si adigana ILLAHAY kuu caawiyo

ADAHABSHIIL account No. HRGD14759