February 17, 2010 - QOL - Dagaallada ka holcaya deegaanada ku heeran gobolka Geeska Africada Bari ayaa waxay abuureen Qax, barakac, Dil ,Dhac, Kufsi, Xarig Sharci darro ah iyo Xasuuq Aadane oo aad u xun iyadoo ay weli ay u weheliyaan Tahriib ay dad badani ku hoobtaan oo naftoodii ay ku biimeeyaan Badaha waaweyn ee Dunida kuwaa oo ay Dad maxaysato ahi ka qaataan lacag kaddibna ay badaha ku daadshaan Dumar iyo carruur yar yar ah ayaana u badan Dadka dhibaatoyinkani intooda badani loo gaysanayo Somaaliyeey ma mid laysku fiirsadaa mise waa Qaylo dhaan iyo Waawaray Dadku waa Dadkaagii Dalkuna waa Dalkaagii ha u adeegin gumaysi iyo Maxaysato , Qabiil ,Qabqable Dagaal, Qabqable Diin Huwan, iyo Nabad diid.

Haddaba, xaaladahani cakiran ee aannu kor ku soo tibaaxnay maxaa xal u ah? Su;aashani waa mid ay Shacabka Soomaaliyeed ku kala fikrado gedisan yihiin oo ay Dad badani meelaha Meheradaha lagu caweeyo ee Qaxwaha lagu cabo ay isugu xusullo duubtaan, hase ahaatee marka aannu Dib ugu noqono Waddamo fara badan oo ay Dagaallo Sokeeye ka dhaceen kaddib Dagaalkii Sokeeye ee Dalka ayaa maanta ku nool nabad iyo caano , sababtu maxay tahay? waa quruumo kala Diin iyo kala Dhaqan gedisan innagoo isku Af, isku Diin iyo isku dhaqan ahina Xasuuq baynu Shacabkeenii ku haynaa , Xalku waa "Kitaabka Alle"mar haddii ay DFKMG ahi ku dhawaaqday inay Dalka ku Xukumayso Kitaabka Alle ma aha in lala Dagaalamo kooxaha Dowladda ka soo horjeedaa macne ay naftooda iyo tan shacabka ay u Xasuuqaan anigu ma arko Ktaabka Alle waa Mid keliya , Nabaddu waa horumar.

Dunida ayaa waxay horumar ka gaartay Qaab dhismeedka Siyaasadeed ee Hay'adda Qaramada Midoobay ku horumariso Waddamada ay Xiisadaha iyo Xasaradaha Dagaaleed ka Oogan yihiin ee Afrika iyo Waddamada soo koraya qaarkood Qaabkani ayaa wuxuu ku dhisan yahay (Dib u Heshiisiin iyo Awood Qaybsi)kooxaha DFKMG ka soo horjeedaa waxaa la gudboon inay u soo bandhigtaan Codkooda Hay'adda Qaramada Midoobay iyo Shacabka Soomaaliyeed una dhimriyaan Maatida iyo Carruurta Soomaaliyeed ee ay Xasuuqayaan

qaataan fikradaha wanaagsan ee ay Shacabkooda u soo jeedinayaan kana waantoobaan Xasuuqa, is-qarxinta , Dilka, Qoorgooyada, iyo Dhiigga ay sida Xaq darrada ahi u qubayaan.

Mar waliba waxay Ummadda Soomaaliyeed aysan Illoobayn oo taariikhda laga sheekayn doonaa Lixdii bilood ee ay Midowgii Maxaakiimta Islaamku gacanta ku hayeen Koofurta Dalka Soomaaliya iyo nabaddii ay ka Xasiliyeen Xilligii yaraa, taasi waxay tahay mid loo baahan yahay in lagu wacyi qaato Kooxaha Maanta Dagaalamaya ee Diiday inay Dib u Heshiisiinta ka qayb qaataan Xalkoodu muxuu noqon doonaa?, inay Dalka ku soo Hoggaamiyaan Quwdo Shisheeye oo Xasuuq iyo Burbur kale u geysta Maatidii ay hore u Xasuuqeen intii ka soo hartay ee meel ay u cararaan weysan oo weliba ay ku dhex dagaalamayaan DFKMG ah iyo Kooxaha ka soo horjeeda iyagoo isu adeegsnaya Hub Culus iyo Mafaadiif una naxayn Shacabka Raydka ah oo isugu jira, Carruur , Waayeel , Dumar, iyo Dad Curyaan ah (oo aan iskood u carari karrin) oo dhammaantood ah aan haysan waxay Maalin Quutaan.

Dowladda FKMG ahi maxaa kala gudboon Siyaasaddani Cakirani runtii dhinaca Dowladda waxaad moodaa inuu ka muuqdo masuug iyo waajib gudasho la'aan baahday oo aan Xad kahayn taasoo ay ugu wacan tahay inay waxa keliya ee ay ku jeedaan ay tahay Lacag iyo Boob ee aysan u jeedin sidii ay Xal ugu heli lahaayeen Kooxaha ka soo horjeeda inay isu arki lahaayeen una wada tashan lahaayeen sidii Shacabka looga Badbaadin lahaa Dhibaatada haysata ee aannu kor ku soo qeexnay iyadoo Dowladda laga doonayo inay u marto Dib u Heshiisiinta Waddooyinka ugu Wanaagsan ee Ummadda lagu Babdaadin karo oo aysan u marin Hub Urursi iyo Dagaal Oogid Cusub , Rajo wanaagsanna u Muujisaa Shacabka.

Haddaba, Geeska Afrikada Bari wuxuu noqday goobta ugu xun ee Xasuuqa Aadanaha laga gayso ee Dunida sida ku cad Warbaahinta Caalamka iyo baarista tafaftirayaasha qotoda dheer Sida Hay'adaha Xuquuqda Aadanaha u Dooda ay ka qorayaan waa Dhab waxaanna lagama maarmaan ah in aan la Daboolin Ciidamada Maxaysatada Itoobiya iyo Xasuuqayada ay ka waddo Geeska Afrikada Bari iyadoo weli Mucaawinooyinka loogu talagalay Dadka Dhibaataysan u adeegsata Dhinacyada Ciidamada iyo inay ku soo Bedelato Hub Culus oo ay ku Xasuuqdo Dadka Soomaaliyeed iyo Qowmiyadaha ku Hoos nool ee kala gedisan , Maxaabiis fara badanina ay si Sharci darro ahi ugu hayso Xabsiyadeeda .

Gabagabadii iyo faalladani ku saabsanayd Geeska Afrikada Bari iyo Xasuuqa Aadanaha ayaanu gunnaanadkeenu uu yahay in Kooxaha Dagaallamaya iyo DFKMG ahi ay Dagaalka joojiyaan raadiyaana Xal Wanaagsan oo Dib u Heshiisiinayd ama Awood Qaybsi si loo Badbaadiyo Dhiigga Qubanaya iyo Xasuuqa Aadane ay Labada Dhinacba ay u geysanayaan Shacabka Raydka ah iyo Maatada ay Hoobiyaashu ay Digaandigadaha ka dhigeen 21-Sano ku dhowaadka , Madaxda Sare ee DFKMG ah iyo Hoggaamiyayaasha Sare ee Kooxaha Dagaallamaya waxaannu si Xushmad iyo Naxariisi ay ku jirto uga Codsanaynaa inay u Dhimriyaan Maatida ka joojiyaan Madaafiicda iyo Hoobiyaasha ay u adeegsanyaan goobaha ay Dadka Raydka ahi ay ku nool yihiin ee ku yaala Caasimadda Magaalada Muqsisho iyo Magaalooyinka u dhow dhow. kuna soo noqdaan Miiska Wadahadalka iyo Nabadda.

Eng. Cabdulqaadir Cumar Yuusuf(Daadurey)

Somalihungerhivprojectus2004@yahoo.com