|
July 02, 2010 - QOL -
Daawo Calansaarkii 1-da Luuliyo ee Boosaaso.
1-da luuliyo waa maalin
si gaar ah ugu wayn umada Somaaliyeed
Meel walba oo ay joogaan waxaana malintaas
Dabaal dagyo kala duwan lagu qabtaa
Guud ahaan Dalka Somalia & iyo Dibadiisaba,
Calansaarkii 6-dii habeenimo 1-da luuliyo
1960 mid la mid ah Waxaa laga sameeyay
Magaalada Boosaaso , gaalkacyo iyo Garowe
oo xarun u ah dawlada Puntland, waxaana
saqdaasi dhexe goobjoog ahaa qaar ka
mid ah Masuuliyiinta Puntland.
Hadaba Boosaaso Calan saarku siduu uga
dhacay.
waxaa Munaasibadaasi lagu xusay meelo
ay kamid Yihiin Magaalada Magaalada
Caasimada ah ee Muqdisho Qaybo kamid
ah gobolada Dhexe ee Dalka Somalia .
Xurunta Madaxtooyada Magaalada Boosaso
waxaa kacadhacay Habeenkan Calansaarkii
1-dii luulyo, waxaana Munaasabadan goobjoog
ka ahaa Masuuliyiinta Gobalka Bari iyo
Saraakiisha Amniga sida Gudoomiyaha
Gobolka Bari C/xaafid Cali Yuusuf, Taliyaha
Madaxtooyooyinka Puntland G/Dhexe Cumar
C/laahi Sh, Max'ed , Taliye Xigeenka
Ciidanka Booliska Puntland Max'ed Siciid
Jaqanaf iyo Duqa Magaalada Boosaaso.
Dhamaan Mas'uliyiintii ka soo qayb galay
Munaasibadaasi waxa ay kawada hadleen
qiimaha iyo xasuusta gaarka ah ee umada
Somaaliyeed ay u leedahay 1-da luuliyo
oo ah maalintii ugu horaysay ee ay midoobeen
Goboladii Waqooyi & Koonfur.
Gudoomiyaha Gobolka Bari C/xaafid Cali
Yuusuf oo Masuuliyiintii sida Weyn uga
Faalootay Munaasabadan ayaa ka sheekeeyay
Qiimaha Munaasabadan iyo Ahmiyada ay
umada Soomaliyeed u leedahay wuxuuna
Hambalyo u diray dhamaan umada Somaliyeed
Iyo Shacabka Reer Puntland .
Si gaar ah wuxuu Mahadcelin ugu jeediyay
Masuuliyiintii Munaasabadan soo abaabushay
gaar haana Ciidanka Madaxtooyada Puntland
.
Taliye xigeenka Booliska Puntland Max'ed
Siciid Jaqanaf ayaa Isna Halkaasi ka
hadlay Waxaana sidoo kale uu ka sheekeeyay
Dadaalkii dheeraa ee Xornimada Umada
Soomaliyeed loo soo maray iyo Dhibaatooyinkii
lagaka kulmay intii Xornima udirirku
uu socday.
Munaasibadan intii ay socotay waxaa
goobta lagu soo bandhigay taarikhda
aan la ilaawi karin ee umada Somaliyeed
ay u leedahay 1-da Luuliyo waxaana sidoo
kale Mas'uliyiintii halkaasi hadalada
dhaxal galka ah ka jeediyay kamid ahaa
Taliyaha Madaxtooyada Puntland G/Dhexe
Cumar C/laahi Sh,Max'ed oo isagu ahaa
isku duwaha guud ee soo qaban qaabiyay
Calansaarkan 1-da luuliyo ee ka dhacay
Magaalada Boosaaso, suura galiyayna
in ay ku qabsoonto Xarunta Madaxtooyada
Magaalada Boosaaso waxaana uu G/dhexe
Cumar C/laahi uu wax ka taabtay in xusitaanka
1-da luuliyo ay waajib ku tahay dhaan
umada Somaliyeed .
Si faahfaahsan oo kooban, qiirana leh
wuxuu uga sheekeeyay Tariikhdii Gobanima
Doonkii Soomaliyeed iyo Marxaladii ay
soo mareen.
hadaba Habeenkan waxaa si ahmiyad iyo
Qaiima leh oo saaray Calanka Soomaliya
oo Saqdan dhexe si wada jir ah looga
Calan saaray Magaalooyinka Waweyn ee
Puntland.
Waxaana Munaasabado ay soo qabagabawday
Xilli Wali la sugayay in la sii daadihiyo
Munaasabadan Maadaama Dadku ay si aad
ah ula dhaceen Tariikhda Gobanima doonka
Soomaliyeed ee Munaasabadan lagu soo
bandhigay.
|
