|
July 01, 2010 - QOL -
Xuska Maalinta 1-da Luuliyo oo Lagu
Qabtay Inta Badan Deegaanada Puntland+Sawirro
Inta badan Deegaanada Puntland ayaa
waxaa habeenkii xalay ilaa maanta barqanimadii
laga xusay maalinta qiimaha badan ee
1-da Luuliyo oo ah maalin si aad ah
ugu weyn dhamaan umadda Soomaaliyeed
meel kasta oo ay joogaan.
Magaalooyinka Bossaso,
Garoowe, Qardho, Gaalkacyo iyo Deegaano
kale oo katirsan kuwa Puntland ayaa
dhamaantood waxaa laga oogay munaasabddo
loogu talagalay maalinta qiimaha badan
ee 1-da July.
Xarunta Madaxtooyada
Puntland ee Magaalada Bossaso ayaa xalay
waxaa lagu qabtay munaasabad aad u balaaran
oo loogu talagalay xuska maalinta 1-da
Luuliyo waxaana munaasabdaasi ka qayb
galay masuuliyiin ka kala socday Golayaasha
Dawladda Puntland, Maamulada Gobolka
Bari iyo Degmada Bossaso, Madaxda Laamaha
ammaanka ee Gobolka Bari, Waxgarad,
Ururada bulshada iyo marti sharaf kale.
Dhamana masuuliyiintii
ka hadashay xafladda lagu qabtay xarunta
Madaxtooyada ee Magaalada Bossaso ayaa
waxa ay ku dheeraadeen muhiimadda ay
leedahay maalinta 1-da Luuliyo iyaga
oo ku sheegay in ay tahay maalin ku
weyn dhamaan umadda Soomaaliyeed.
Xaflad taasi lamid ah
ayaa waxa ay maanta ka dhacday xarunta
Dawladda hoose ee Magaalada Bossaso
waxaana kasoo qayb galay dadweyne farabadan
oo ka kala socday qaybaha kala duwan
ee bulshada Gobolka iyo masuuliyiin
ka socotay Golaha Wasiirada iyo Baarlamanaka
Dawladda Puntland.
Munaasabdda lagu qabtay
xarunta Dawladda hoose oo ahayd mid
aad u baalaran ayaa waxaa hadallo ka
jeediyey dhamaan masuuliyiintii kasoo
qayb gashay waxayna badankood dadka
ku dhiiri geliyeen ilaalinta Nabadda
iyo ka hortaga waxa keeni kara nabadgelyo
xumada.
Sidoo kale marti sharaftii
kasoo qayb gashay munaasabadda ayaa
waxa ay ku tilmaameen maalinta 1-da
Luuliyo mid qiimo balaaran ugu fadhida
dhamaan umadda Soomaaliyeed iyaga oo
ugu baaqay dadka in ay ilaaliyaan Wadadninimadda
iyo xoriyadda Waddanka.
Dhinaca kale Magaalada
Garoowe ayaa waxaa ka dhacday habeenkii
xalay munaasabddii ugu balaarnayd ee
loo qabto maalinta 1-da Luuliyo waxaana
munaasabaasi ka qayb galay masuuliyiinta
ugu sar saraysa Dawladda Puntland iyaga
oo ku dheeraaday ka hadalka xoriyadda.
Madaxweynaha Dawladda
Puntland Dr C/raxmaan Maxamuud Faroole
oo kamid ahaa masuuliyiintii ka hadashay
xafladda xalay ka dhacday Magaalada
Garoowe ayaa waxa uu ugu baaqay dadka
Soomalaiyeed in ay midoobaan kana waantoobaan
colaadda iyo kala qoqobka ku dhex jira.
Xalay abbaarro 12-kii
habeenimo ayaa waxaa la saaray calanka
waxaana halkaasi laga qaaday astaanta
Calanka iyo heeso kale oo waddani ah
iyadoo ay xafladdu soo dhamaatay 2-dii
aroornimo.
Munaasabdaha 1-da Luuliyo
ayaa sidoo kale waxa ay si heer sare
ah uga dhaceen Magaalooyinka Gaalkacyo,
Qardho iyo kuwa kale waxaana lagu tilmaami
karaa qaabka loo xusay sanadkan maalinta
1-da July mid ka baalaran sidii horay
loogu xusi jiray.
Maalinta 1-da Luuliyo
ayaa waxa ay tahay maalin qiibo gaar
ah iyo maamuus weyn ugu fadhida dhamaan
Umadda Soomaaliyeed waana maalintii
ay midoobeen Gobolada Waqooyiga iyo
Koonfurta ayna ka xoroobeen gumausytayaashii
Talyaaniga iyo Ingiriiska.
Photo
By Joofane
Jaamac
Joofane
Joofane11@hotmail.com
|
