Wiil Shabaab ah oo lasoo bandhigay

  | Hogaanka Dambi baarista dowladda Soomaaliya ayaa maanta soo bandhigay wiil dhalinyaro ah oo ay sheegeen in uu ka tirsan yahay Ururka Al-Shabaab.

Taliyaha hogaanka dambi baarista dowladda Soomaaliya C/laahi Xasan Bariise oo saxaafadda kula hadlay halka lagu soo bandhigay meydka wiilkan dhalinyaradda ah ayaa wuxuu sheegay in ciidamada ammaanka suuqa bakaaraha ay gacanta ku soo dhigeen wiilka dhalinyarada xilli uu gacmaha ku watay bambaanada gacanta laga tuuro.

C/laahi Xasan Bariise ayaa sheegay in wiilka dhalinyaradan ee maanta ay soo bandhigeen ciidamada ammmaanka suuqa bakaaraha ay soo qabteen xilli uu isku dayay in uu ka baxsado ciidamada dowladda.

Hogaanka dambi baarista dowladda Soomaaliya ayaa sheegay in waalidiinta dhalay caruurta sida uu sheegay waxyaabaha qaldan loo adeegsado ay qabsadaan caruurtooda si aysan dhibaato u gaarin.

Wuxuu intaa raaciyay in loo baahan yahay kuwa kale ee ku howlan falalka lidiga ku ah ammaanka Muqdisho in ay ka waantoobaan falalka ay ku jiraan islamarkaana ay tusaalo ku qaataan dhalinyarada gacanta lagu soo dhigay.

Ugu dambeeyn Taliyaha hogaanka dambi baarista dowladda Soomaaliya C/laahi Xasan Bariise ayaa sheegay in Ururka Al-Shabaab guud ahaan Magaalada Muqdisho laga saaray iyadoo hada lagu sii jeedo gobalada kale ee ay maamulaan Ururka Al-shabaab.

Maalmihii dambe ayaa saraakiisha ciidamada dowladda Soomaaliya waxa ay soo bandhigayeen dhallinyaro ay sheegeen in ay ka tirsan yihiin Ururka Al-shabaab islamarkaana ay kusoo qab qabteen howlgalo ay ka sameeyeen magaalada Muqdisho.

Share on Facebook

Other Interesting posts:

Posted by on May 23, 2012. Filed under Warka Maanta. You can follow any responses to this entry through the RSS 2.0. Responses are currently closed, but you can trackback from your own site.