Horumarinta Police-ka Soomaaliya oo laga shiray

 | QOL - Kulan ay isugu yimaadeen saraakiisha ciidamada Booliiska Soomaaliyeed iyo Saraakiisha Booliska AMISOM ayaa maanta ka dhacay Magaalada Muqdisho.

Ujeedada kulanka ayaa waxa uu ahaa sidii booliiska Soomaaliyeed looga horumarin lahaa ka hortaga xadgudubyada lagula kaco Haweenka,Caruurta iyo dambiyada kale waxaana hadalo kala duwan kasoo jeediyay halkaasi saraakiil ka kala socdeen labada dhinac.Ugu horeen waxaa halkaasi ka hadlay Taliyaha ciidamada booliiska Soomaaliyeed Shariif Shiiquna Maya kaasi oo codsaday in la caaawiyo Booliiska Soomaaliyeed si ay awood ugu yeeshaan ka hortaga fal dambiyeedyada lidiga ku ah xuquuqda aadanaha.Sidoo kale waxaa halkaasi ka hadlay Taliye ku xigeenka ciidamada Booliiska AMISOM sareeyo Gaas Benson Oyo ayaa wuxuu sheegay in maalinta Talaadada Booliiska Soomaaliyeed saraakiil ka socoto tababar loogu qaadi doono dalka Kenya kaasi oo uu sheegay inay maal gelinayso dowladda Denmark.

Taliye ku xigeenka ciiidamada Booliiska AMISOM ayaa sheegay in tababarkaasi lagu bari doono saraakiisha ciidamada booliiska Soomaaliyeed habka looga hortago xadgudubyada loo geesto haweenka iyo caruurta.

Wuxuu sheegay in lagu dhawaaqi doono maxkamad qaada dacwadaha la xiriira tacadiyada loo geesto dadka nugul oo ay qeeybta ka yihiin caruurta iyo haweenka.

Ugu dambeyn ayuu sheegay taliye ku xigeenka ciidamada booliiska AMISOM Benson Oyo Nyeko in booliiskooda ay banaanka usoo bixi doonaan islamarkaana ay caawin doonaan ciidanka booliiska Soomaaliyeed isaga oo tilmaamay in ciidamo badan oo ka tirsan Booliiska AMISOM oo tabar ku qaadanayo dalka Ugandha ay kusoo wajahan yihiin dalka Soomaaliya.

Waa markii ugu horeeysay ee Booliiska AMISOM saraakiishooda ay shaaciyaan inay caawinayaan Booliiska Soomaaliyeed oo saamayn xoog leh ku yeesheen burburkii dalka mudada 21 sano.

Share on Facebook

Other Interesting posts:

Posted by on June 9, 2012. Filed under Warka Maanta. You can follow any responses to this entry through the RSS 2.0. Responses are currently closed, but you can trackback from your own site.