Ceelal biyoodyo ah oo ay Shabaab dab qabadsiiyeen

Saraakiisha ciidamada dowladda Soomaaliya ee ku sugan Gobalka Gedo ayaa sheegay in AL-Shabaab ay qarxiyeen Ceel biyood ku yaalo deegano ka tirsan Gobalka Gedo ee Koonfurta dalka Soomaaliya.

Joon C/laahi Xasan oo kamid ah saraakiisha ciidamada dowladda ee ku sugan Gobalka Gedo oo la hadlay warbaahinta ayaa wuxu sheegay in ciidamo ka tirsan Ururka Al-Shabaab ay bam ku xireen Ceelbiyood ku yaala deeganada kala ah Dhamase iyo Ceel Cadde isaga oo tilmaamay inay qarxiyeen Ceelalkaasi.

Wuxuu sheegay in deegaanada Ceelasha Biyaha laga qarxiyay hada aysan ka jirin wax biyo ah isaga oo tilmaamay in goobta ugu dhaw ee biyo laga helo ay tahay meel 60-Km ujirta deeganadaasi.

Joon C/laahi Xasan ayaa sidoo kale waxa uu beeniyay wararka qaar oo sheegaya in ciidamo ka tirsan kuwa dowladda Ethopia ay isaga baxeyn Degmada Belad xaawo ee Gobalka Gedo.

Wuxuu tilmaamay in wararkaasi ay yihiin been islamarkaana ciidamo itoobiyaan ah aysanba ku sugnayn Degmada Beladxaawo isaga oo sheegay in ciidanka itoobiya kaliya ay ku sugan yihiin Degmada Luuq hadana ay joogaan.

Ma jiro wax war ah oo kasoo baxay dhank Al-Shabaab oo ku aadna ceelasha la sheegay inay qarxiyeen

Share on Facebook

Other Interesting posts:

Posted by on June 13, 2012. Filed under Warka Maanta. You can follow any responses to this entry through the RSS 2.0. Responses are currently closed, but you can trackback from your own site.