Moi: Musharraxiinta Soomaaliyeed ha u istaagaan nabadda

August 16, 2012 | Filed under: Warka Maanta | Posted by:

Madaxweynihii hore ee dalka Kenya Daniel Arap Moi oo uu garab taaganyahay ra’iisul wasaarihii hore ee Soomaaliya Prof. Geeddi / Photo: Capitalfm / MIKE KARIUKI

Madaxweynihii hore ee dalka Kenya Daniel Arap Moi ayaa ku booriyay musharraxiinta Soomaaliyeed ee doonaya in ay u tartamaan xilka madaxtinnimada dalka inay ka faa’ideystaan furasaddan ayna ku mideeyaan waddankooda.

Daniel Arap Moi ayaa ummadda Soomaaliyeed ugu baaqay in ay u istaagaan dib u dhiska dalkooda halka ay iyagu dagaallami lahaayeen.

Soomaaliya ayaa lagu wadaa in ay ka dhacdo doorashada madaxtinnimada toddobaadyada soo socda, iyadoo doorashadaas ay qeyb ka tahay daddaalka ay beesha caalamka waddo oo lagu doonayo in lagu soo afjaro xilliga kumeel gaarka ah.

Madaxweynihii hore ee dalka Kenya ayaa rajo weyn ka muujiyay in doorashadani ay Soomaaliya u horseedi doonto nabad waarta, si looga baxo colaadda raagtay, macluusha iyo dambiyada kale ee ka dhaca dalka, isagoo intaas raaciyay in dalalka deriska la ah Soomaaliya oo ay saameysay colaadaha ay jeclaan lahaayeen in ay arkaan dalkaas oo nabad ah.

Moi ayaa ugu baaqay musharraxiinta Soomaaliyeed in ay aqbalaan natiijada doorashada madaxtinnimo, isagoo xusay in dhibaatada ugu weyn ee Afrika ka jirta ay tahay madax aan oggoleyn in doorashooyinka looga guuleysto xilkana uu si nabad ah ku wareejiyo.

Sidoo kale, wuxuu beesha caalamka ugu yeeray in ay Soomaaliya ka caawiyaan sidii ay u qabsan laheyd doorasho nabad ah isla markaana caddaalad ah.

Madaxweynihii hore ee dalka Kenya Daniel Arap Moi ayaa hadalkaas ka sheegay mar uu shalay ka qeybgalay xaflad loogu magac daray xilliga bad-baadinta Soomaaliya oo uu soo qaban qaabiyay ra’iisul wasaarihii hore ee Soomaaliya Prof. Cali Maxamed Geeddi oo ka mid ah musharraxiinta Soomaaliya.

Sources: Barkulan.com

_______________________________________________

Share on Facebook

Other Interesting posts:

Posted by on August 16, 2012. Filed under Warka Maanta. You can follow any responses to this entry through the RSS 2.0. Responses are currently closed, but you can trackback from your own site.

One Response to Moi: Musharraxiinta Soomaaliyeed ha u istaagaan nabadda

  1. keerow iidow August 16, 2012 - 8:33 pm

    IT IS INSULTING TO SUPPORT WARLORD ALI GEDI WHO STOLE MILLIONS OF AID DOLLARS FROM THE STARVING TO DEATH SOMALI PEOPLE.

    FORMER KENYA PRESIDENT IS COMMITTING HIS LATEST MISTAKES BY SUPPORTING LOOTERS, KILLERS, AND SPOILERS OF DEMOCRACY AS IT MEANT.

    THE SOMALI PEOPLE KNOW VERY WELL WHO IS WHO, THEY SHARLY AND CLEARLY CAN DISTINGUISH THEIR FRIENDS FROM THEIR REAL ENEMY.

You must be logged in to post a comment Login