Xildhibaan Cabdirashiid Maxamed Xiddig oo u sharraxan qabashada xilka guddoomiyaha baarlamaanka Soomaaliya ayaa sheegay inuu baarlamaanka u arko meesha keliya ee laga sixi karo dowladda.
Musharrax Xiddig wuxuu sheegay haddii uu ku guuleysto jagada inuu xoogga saari doono hirgelinta iyo ku shaqeynta sharciga, dabagalka iyo la-xisaabtanka hay’adaha dowladda iyo inay muuqato awoodda baarlamaanka.
Xildhibaanka ayaa baarlamaanka ku tilmaamay inuu yahay laf-dhabarka hay’adaha dowladda, wuxuuna xusay haddii aanay howshiisa hagaagin inuu dalku gelayo marxalad adag iyo guul-darro.
Cabdirashiid Maxamed Xiddig ayaa rajo wanaagsan ka muujiyay inuu xilka ku guuleysan karo.
____________________________________________________
Share on Facebook
![]() |
You must be logged in to post a comment Login