Muhaajiriinta Soomaalida oo loo digay

October 15, 2012 | Filed under: Warka Maanta | Posted by:

Xilli dhalinyarada Soomaaliyeed intooda badan ay ka tahriibaan dalka Soomaaliya una tahriibaan dallalka caalamka ayaa safaarada Soomaaliyeed ee dalka Liibiya waxa ay soo saartay digniin ay ujeedinayso dadka Soomaalida ah.

C/qani Maxamed Waceys Safiirka Soomaaliya ee dalka Liibiya oo la hadlay warbaahinta Risaala ayaa ka digay in dhalinyarada Soomaaliyeed ay naftooda qatar kusoo galiyaan dalka Liibiya oo hada dowladda dalkaasi khilaaf xoogan uu ka dhax taagan yahay.

Safiirka ayaa wuxuu sheegay in si cad uu fariin ugu diraayo shacabka Soomaaliyeed iyo dhalinyarada tahriibka aada,isaga oo tilmaamay in qofkii Soomaali ah oo ka dhaga adeega fariintaasi uu naftiisa qatar isaga galiyay.

C/qani Waceys Safiirka Soomaaliya ee dalka Liibiya ayaa wuxuu tilmaamay in dalka Liibiya qudhiisa ay ka dhextaagan tahay dhibaato oo ay masuuliyiinta Dowladda ay isheestaan taasi uu ku sheegay mid lagu dhexdhimanaayo.

Soomaali badan ayaa dalka Liibiya maraan kuwaasi oo doonaya inay kasii gudbaan bada qatarta badan ee udhaxeeysa dalka Liibiya iyo Talyaaniga kuwaasi oo naftooda qatar halkaasi ku geliya.

Share on Facebook

Other Interesting posts:

Posted by on October 15, 2012. Filed under Warka Maanta. You can follow any responses to this entry through the RSS 2.0. Responses are currently closed, but you can trackback from your own site.