Muqdisho, May 2, 2016: Kooxda Kubadda Koleyga I.L.S ayaa ganaaxan ku muteysatay kadib markii ay diideen in ay ciyaaraan kulan ka tirsan horyaalka oo sabtidii taariikdu ahayd 30 April lagu waday in ay dhex marto ciyaar kooxaha I.L.S iyo Dekedda.
I.L.S ayaa ku doodday in loo ciyaarsiiyo laba ciyaaryahan oo kooxda ku cusub , halka xiriirka uu dhankiisa sheegay in tirada sharciga ee ah 15 ciyaaryahan ay u buuxsantay isla markaana aan loo ogolaan karin ciyaartooy kale, waxayna kooxda I.L.S go’aan ku gaareen in aysan garoonka gelin xiriirkuna waxuu dhankiisa amray in ciyaarta la bilaabo dhibcahaha ( Forfait) lagu siiyo kooxda Dekedda.
Kadib dhacdadaas guddiga fulinta Xiriirka kubadda Kolegya ayaa kulan ku qaatay xafiiska uu ku leeyahay magaalada Muqdisho waxayna go’aamiyeen.
1- in kooxda I.L.S laga joojiyo kulamada u haray ee tartanka horyaalka hadda socda, dhicihii horey ay u lahaayeena laga qaado.
2- in Macalimiinta kooxda oo kala ah Saciid Maxmaed Shiikh iyo Daa’uud Diiriye Fiidshe laga joojiyo shaqada Macalimo ee kubada Koleyga mudo hal sano ah .
Ganaaxan ayaa kooxda Heegan u sahlaya in ay ku guuleysato horyaalka maadaama kooxda I.L.S oo kusoo xigtay ay weysay dhibicii horyaalka snadan 2015-16.
Kooxda ganaaxa la kulantay ee I.L.S ayaa la aasaasay 2013 waxayna tan iyo xilligaas ku guuleysatay koobka Jeneralal Daa’uud 2014-15 iyo Ciyaaraha 3×3 sidoo kale waxay kaalinta labaad ka galeen horyaalka 2013-14 iyo koobkii Geranaal Daa’uud 2013.
Lifaaqa Atach-ka kujira ka aqriso warbixinta u soo saaray:
——————————
Qaranimo Online | Muqdisho
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
