Muqdisho, May 7, 2016: Mudane Xasan Sheekh Maxamuud, Madaxweynaha Jamhuuriyadda Federaalka Soomaaliya iyo wafdi uu hoggaaminayo, oo maanta ka ambabaxay Muqdisho, ayaa gaaray magaalada Jabuuti.
Madaxweynaha ayaa waxaa garoonka diyaaradaha ee magaalada Jabuuti ku soo dhaweeyay dhiggiisa dalkaasi, Ismaaciil Cumar Geelle kaddibna waxaa loo gelbiyay qasriga madaxtooyada ee Jabuuti
Madaxweyne Xasan Sheekh Maxamuud ayaa dalkaasi u tegay ka qeybgalka munaasabadda caleema saarka madaxweynaha dalkaasi, mudane Ismaaciil Cumar Geelle oo ku guuleeystay doorshadii madaxtinimada ee dhawaan ka dhacday wadankaas.
Dhanka kale labada madaxweyne ayaa la filayaa iney ka wada hadlaan arrimo ku saabsan xoojinta xiriirka labada dal iyo iskaashi dhinacyo badan oo ay yeeshaan labada dowladood ee Soomaaliya iyo Jabuuti.
——————————
Qaranimo Online | Muqdisho
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
