Muqdisho, May 17, 2016: Sida uu ururka Gurmad dhowr goor horay u caddeeyay, Gurmad waa dhaqdhaqaaq waddaniyadeed, ahdaaftiisana aysan ku jirin inuu noqdo urur siyaasadeed oo doonaya inuu kursi siyaasadadeed u tartamo.
Waxaa nasiibdarro ah in shaqsiyaad isku sheegay inay Gurmad yihiin ay u ololeynayaan qof isku sheegay inuu magaca Ururka Gurmad uu ku yahay musharax u taagan doorashada la qorsheeyay inay Soomaaliya ka dhacdo sanadkan 2016ka.
Gurmad waxay markale hoosta ka xarriiqaysaa in aysan ahayn Xisbi siyaasadeed, balse ay tahay dhaqdhaqaaq waddaniyadeed oo u taagan inuu ka shaqeeyo nabadda iyo madaxbanaanida dalka iyo dadka Soomaaliyeed.
Ugu dambeyn, waxaan dhammaan shacabka Soomaaliyeed halkan uga caddeynaynaa inuusan jirin musharax u taagan xil siyaasadeed oo ay Gurmad leedahay, ciddii arrinkaas sheegatana aysan ahayn mid metesha mabaadi’da guud ee Ururka Gurmad.
Wixii faahfaahin ah, nagala soo xiriir info@gurmadsomalia.org
Wabillaahi Towfiiq
——————————
Qaranimo Online | Muqdisho
_____________________________________________________________________________________
Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
