Muqdisho | QOL | July 29, 2014 – Barnamaijka bandhiga Jimcaha oo aad Maanta oo kale nooga barateen inaan idiin soo gudbino Waa Barnaamij Xauus u ah ex Barnaamijkii Bandhiga Radiyaha ee ka bixi jiray Maalin kastoo Jimcaha ah oo laga nasanayo Howlaha.
Barnaamijka Todobaadkaan Heesaha aan ku soo qaadan doono waa Heesihii Qaraamiga ee Waayo waayo,waxaana barnaamijka Heesaha Jicahaan aan idinkugu heyno ay kala yihiin.
Gaduudo Carwo vs Shamis Abokar (Gaduudo Carwo )
Miyi Iyo Magaalo vs Baashe Sheekh Yuusuf
Jowhara Luula vs Khadiijo Cabdulaahi Daleys
Bari Hore vs AUN Maxamed Jaamac Joof iyo Maryan Mursal Ciise
N.B Xaga Qaabeynta iyo Farsamada Barnaamijka Bandhiga Jimcaha Waxaa Gacan weyn ka geystay hal abuuraha Soomaaliyeed Abwaan Cali Axmed Daameey’ Cali Ilkocase’ waana tabintii iyo soo gudbintii Axmed Maxamed Cabdulle ‘Uurdoox’
Waxaan idiin soo Gudbineynaa Miraha Heesta 4 ee Maanta ana ku soo Qaadanay Barnaamijka Bandhiga Jimcaha waana heesta la magac baxday Beri Hore
Beejka 1 AUN Maxamed Jaamac Joof
Beri hore waxaa jiray
Inan timaha dibtoo
Baarkana u tidicdoo
Boqorkiyo dhaclahiyo
Maro beyle xiratee
Wax badaley kuwii hore
Belo geesa dheeroo [ ]
Buur madaxa saartoo
Suuqa baratamaayee
Naa bi’ise dhaqankii
Sharcigii ka beyroo
Diintii burburiseen
Habloow maad is barqabataan
Beejka 1 Maryan Mursal Ciise
Boqol sano horteediyo
Beri hore wixii jiray
Ee la iska baal maray
Budulkii dib u ha u qaban
Laga soo baqoolee
Hadaad baratamin orod
Bisha iyo cadceediyo
Beesha loo horseedoo
Aanu beegsaneynaa
Horta baro tacliintiyo
Buugiyo dhigaalkoo
Badowyahoow dib ha u celin [ ]
Dadka soo baraarugey
Beejka 2 AUN Maxamed Jaamac Joof.
Naa bi’ise dhaqankii
Sharcigii ka beyroo
Diintii burburiseen
Habloow maad is barqabataan
Beejka 2 Maryan Mursal Ciise
Ilaahii bad iyo wabi
Biyahooda daadshee
Meel kula balamayee
Dhulka baaxadaliyo
Buuraha rakibeybaa
Bini aadamgiisana
Ruuxba ay u beere
Waad baadiyowdee
Cidi kulama beyrine
Horta baro tacliintiyo
Buugiyo dhigaalkoo
Badowyahoow dib ha u celin
Dadka soo baraarugey
Beejka 3 AUN Max’ed Jaamac Joof
Beri hore waxaa jirey
Inan baarax geeliyo
Faraskii baxdoowaba
Yarad looga bixiyaa
Bunduqana la raacshaa
Wax badaley kuwii hore
Isu bogga bar maqanoo
Bahdii ay ka dhalatiyo
Beylihisey waanee
Naa bi’ise dhaqankii
Sharcigii ka beyroo
Diintii burburiseen
Habloow maad is barqabataan
Beejka 3 Maryan Mursal Ciise
Baarax geela iyo faras
Iyo boqon yaraha ari
Hablihii lagu badali jiray
Diinta aynu baraniyo
Ma baneyn kitaabkuye
Booli quutayaashii
Biicsan jirey haweenkiyo [ ]
Baxadsoorihii tagay
Maanta looma baahnee
Horta baro tacliintiyo
Buugiyo dhigaalkoo
Badowyahoow dib ha u celin
Dadka soo baraarugey
.
Waxaa Diyaariyay.
Axmed Maxamed Cabdulle’ Uurdoox’
_________________________
_____________________________________________________________________________________
Xafiiska Wararka Qaranimo Online | Mogadishu, Somalia
_____________________________________________________________________________________