Muqdisho, August 29, 2016: Loolan u dhaxeeya Xildhibaan Faarax Sheekh C/qaadir iyo Fahad Yaasiin Xaaji ayaa maalmihii la soo dhaafay laga dareemay magaalada Muqdisho, iyadoo arrintan ay ka dhalatay markii labada nin oo isku beel ah ay isku qabsadeen kursiga Xildhibaanimo ee Beesha ay ka dhasheen.
Shir qarsoodi ah oo aan caadi aheyn oo qaar ka mid ah madaxda Madasha Wada-tashiga Qaran ku yeesheen magaalada Muqdisho ayaa looga hadlay is qab qabsiga ka taagan kursiga Xildhibaanimo ee Beesha reer Aw-xasan, iyadoo arrintan aheyd mid maalmihii la soo dhaafay aad looga hadlay hayay Muqdisho iyo hareerahiisa
Wada tashiga qarsoodiga ah oo ay isugu yimaadeen Madaxweynaha, Guddoomiyaha Baarlamaanka, Ra’iisul Wasaaraha, iyo Madaxweynaha Jubbaland ayaa looga hadlay cabsho la sheegay inay ka timid beesha reer Aw Xasan.
Warqad na soo gaartay oo uu ku saxiixnaa Guddoomiyaha Baarlamaanka ayaa muujinaya in Madaxda Madasha qaarkood ay isku raaceen in la abuuro oday dhaqameed cusub, kaasoo lagu kordhinayo liiskii 135 oday ee horay u jirtay.
Warqadan ayaa si toos ah ugu socotay Guddoomiyaha Guddiga Hirgelinta doorashooyinka heer Federaal, Guddiga doorashooyinka dowlad goboleedyada, iyadoo lagu ogeysiiyay Madasha Wada-tashiga Qaran, waxaana lagu howl geliyay Oday dhaqameed cusub oo lagu biirinayo liiska 135 oday ee horay u qornaa.
Sida lagu caddeeyay qoraalkan waxaa la kala qaaday soo xulista Kursiga Xildhibaan ee Beesha Reer Aw-Xasan, iyadoo Suldaankii hore uu hoggaamin doono howlaha la xiriira doorashada kursiga Xildhibaanimo ee Beesha reer Aw-Xasan ee Koofur Galbeed.
Halka Nabadoonka cusub ee la howl gelinayo uu hoggaamin doono kursiga Xildhibaan ee Beesha reer Aw-Xasan ka heleyso Hiiraan iyo Shabeellaha Dhexe.
Arrintan ayaa ka dambeysay markii uu halis galay Kursiga Faarax C/qaadir, iyadoo xubnaha Madasha qaar ay doonayaan inay difaacaan kursigaas, maadaama laga war helay in Suldaankii Beeshaas uu doonayo in Fahad Yaasiin uu siiyo kursiga Xildhibaanimada ee beesha.
Isku dayo badan oo Faarax C/qaadir ku doonayay inuu ku hantiyo kursiga ayaa guuldareystay, waxaana taasi keentay in Fahad ku xoog badnaado dadka noqon kara ergada, iyadoo halka Odey ee beesha reer Aw-Xasan ugu jirey Odayaasha 135 ah uu diidey inuu saxiixo ergo uu soo qortay Faarax C/qaadir.
Madaxweyne Xasan Sheekh ayaa la sheegay inuu door weyn ka qaadanayo arrinta, si uu saaxibkiis ugu difaaco kursiga Xildhibaanimo, waxaana taas keentay in loolanka ka dhashay kursigaas ay oday dhaqameed cusub lagu abuuro.
Hadaba halkan hoose ka akhriso warqad ka soo baxday Guddoomiyaha Baarlamaanka Maxamed Sheekh Cusmaan Jawaari oo lagu howl geliyay Nabadoon cusub oo an horay u jirin.
———————————
Qaranimo Online | Muqdisho
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
