Muqdisho, September 9, 2016: Nin sarkaal ah oo ka tirsan ciidamada milateriga ayaa xalay lagu dilay Xaafada agagaarka Ex Koontarool Afgooye, iyadoo warar kala duwan ay ka soo baxayaan falkaas.
Sarkaalkan oo lagu magacaabayay Col. Geesey Cali Indhool, ayaa ahaa Taliye Urur ka tirsanaa Guutada 3aad ee ciidanka xoogga dalka, kana howl galayay Gobolka Shabeellaha Hoose.
Wararka qaar ayaa sheegaya in si kama’a ah ay xabad ugu dhacday, waxaana dilkaas ka dambeeyay nin ay xidid ahaayeen oo ilaalo u ahaa Sarkaalka, lana socda in muda ah.
Saraakiil ka tirsan ciidanka xoogga dalka ayaa sheegay in gacanta lagu dhigay ninkii dilka ka dambeeyay, isla markaana ay socdaan baaritaano ku aadan dilka iyo dhibka uu gaystay.
Dhowr jeer oo hore ayay sidan oo kale u dhacday in askarta ilaalada u ah saraakiisha ciidanka inay dilaan ama rasaas kaga fakata, taas oo an xal laga gaarin.
———————————
Qaranimo Online | Muqdisho
Xafiiska Wararka Qaranimo Online | Mogadishu, Somalia
_____________________________________________________________________________________