Muqdisho, September 26, 2016: Maxamed Xaashi Cabdi Carabay, Madaxweyne ku xigeenka maamulka Galmudug ayaa sheegay in ay qorshaynayaan howgal ka dhan ah Al-Shabaab oo laga bilaabo deegaanada maamulka Galmudug.
Waxaa uu sheegay in ciidanka laysku dhafi doono oo la mideyn doono si ay Maleeshiyaadka Al-Shabaab kaga saaraan degmooyinka iyo sidoo kale deegaanada ay gacanta ku hayaan.
Mudane Carabay, ayaa sheegay in ciidanka maamulka Galmudug ay bilaabayaan guluf colaadeed oo ka dhan ah maleeshiyaadka Al-shabaab ee sugan Gobolka.
Madaxweyne ku xigeenka ayaa sheegay in ay jiraan ciidamo aad farabadan oo katirsan Galmudug, soona qaatay tababaro kala duwan , kuwaa soo ku sugan deegaanada maamulka Galmudug.
Shacabka kunool deegaanada maamulka Galmudug ayuu ugu baaqay in ay ka qeyb qaataan howgalka ayna taageeraan ciidanka Galmudug, kaas oo la doonayo in uu xureeyo Gobolka.
——————————
Qaranimo Online | Muqdisho
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
