Muqdisho | February 8, 2017 – Madaxweynaha Somaliya, ayaa waxaa noqday Maxamed C/laahi Maxamed (Farmaajo), ka dib markii uu tanaasulay Xasan Sheekh Maxamuud, wareegii 3-aad, markii loo gudbi rabay.
Xasan Sheekh Maxamuud oo hadlay, ayaa sheegay inuu muujiyay tanaasul ku aadan inuu tartamo wareega 3-aad, sidaasi awgeedna waxaa Madaxweynaha dalka noqday Maxamed C/laahi Maxamed (Farmaajo).
Guddoomiyaha Maxkamada Sare Dalka, Abukaate Ibraahin Iidle Suleybaan, ayaa dhaariyay Madaxweynaha cusub ee dalka, waxaana lagu dhaariyay dhaarta Dastuurka.
Rasaas, ayaa ka dhaceysa Magaalada Muqdisho iyo dabaal deg xoogan oo ay sameynayaan dad isugu soo baxay Magaalada Muqdisho.
Ciidanka Xoogga Dalka ayaa waxa ay ridayaan rasaas xoogan oo ay ku muujinayaan taageerada ay u hayaan Madaxweynaha cusub.
.
.
.
___________________________
_____________________________________________________________________________________
Xafiiska Wararka Qaranimo Online | Mogadishu, Somalia
_____________________________________________________________________________________