Muqdisho | April 18, 2017 – Hoobiye ayaa Galabnimadan waxa uu ku soo dhacay Nawaaxiga Iskuulka Xasan Qariidi oo ku yaalla Degmada Howlwadaag ee Gobolka Banaadir, sida ay inoo sheegeen dadka Degaanka.
Madfacan oo aan la ogeyn halka laga soo tuuray ayaa waxa uu geystay khasaare isugu jira dhimasho iyo dhaawac oo soo gaaray Arday halkaasi ku sugneyd.
Inta la xaqiijiyay Gabar yar oo Ardayad ah ayaa ku geeryootay, halka Saddex kalena ay ku dhaawacmeen, sida ay inoo sheegeen saraakiisha laamaha caafimaadka ee goobta gaaray.
Hay’adaha laamaha amniga Dowladda Federaalka ayaa waxa ay gaareen goobta uu Hoobiyaha ku soo dhacay,, waxaana ay wadaan baaritaanada la xiriira halka laga soo tuuray Madfacan.
Sidoo kale sarkaal ka tirsan Ciidanka ammaanka Dowladda Federaalka ayaa (Q.O.L) u sheegay ragga falkan ka dambeeyay in ay ku baxeen Ciidanka ammaanka, laguna raadjoogo, si cadaalada loo horkeeno.
.
W/Q:- BASHIIR BARRE ALI
Xafiiska Wararka Qaranimo Online | Muqdisho
_________________________________
_____________________________________________________________________________________
Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
