Muqdisho | Abriil 21, 2017 – Ciidamada Nabad Sugidda Maamulka Jubbaland ayaa gacanta ku soo dhigay waxyaabaha Qarxa iyo Raggii waday Qaraxyadaasi.
Taliye ku xigeenka Ciidanka Nabad Sugidda Maamulka Jubbaland Axmed C/laahi Ciise ayaa faah faahin ka bixiyay Raggan la soo qabtay iyo waxyaabaha Qarxa oo ay wateen, isaga oo sheegay Raggan in ay ka tirsan yihiin Shabaab.
Waxa uu sheegay in ay gacanta ku dhigeen ilaa Saddex Bambo-gacmeed iyo Raggii watay, isaga oo sheegay in ay gacanta ku dhigeen iyaga oo aan lagu fulin hadafkii laga lahaa.
Axmed C/laahi Ciise Taliye ku xigeenka Ciidanka Nabad Sugidda Maamulka Jubbaland ayaa u mahadceliyay shacabka Jubbaland oo ka shaqeeyay in Waxyaabahan Qarxa gacanta lagu dhigo.
W/Q:-BASHIIR BARRE ALI
Xafiiska Wararka Qaranimo Online | Muqdisho
_______________________________
_____________________________________________________________________________________
Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
