Madaxweyne Farmaajo oo booqday xeryaha barakacayaasha

Muqdisho | QOL | May 3, 2017 – Madaxweynaha Soomaaliya Maxamed C/llahi Farmaajo, ayaa maanta booqas ho kedis ah ku tagay qaar kamid ah xerooyinka barakacayaasha ee ku yaala magaalada Muqdisho.

Madaxweynaha ayaa xerooyinka qaar ku arkay boqolaal ruux oo isugu jira kuwo da’ ah iyo dhalinyaro aan heysan nolol wanaagsan.

Madaxweynaha ayaa barakacayayaasha qaar ka dhageystay warbixino ku aadan noloshooda waxaana kamid ahaa cabashooyinkooda Gargaar la’aan, Cunno yari, Roobab seeriyay goobaha ay jiifan lahaayen iyo shaqo xumo ku dhex heysata magaalada.

Madaxweynaha ayey ishu qabaneysay isagoo xunbaarsan qaar kamid ah Carruurta ay dhaleen barakcyaasha uu booqday, waxa uuna halkaa ku gudoonsiiyay Bacaha roobka laga galo iyo Bustayaal maadaama lagu jiro xili roobaad.

Madaxwaynaha Somalia ayaa dhowr jeer horay u sheegay in dowladiisa ay xushmad gaara siin doonto ka shaqaynta danta dalka iyo dadka, taasi uu ficil ahaan u muujiyay.

Madaxweyne Farmaajo ayaa talaabooyinka noocaani ah ee lagu kasbado shacabka looga bartay xiligii uu ahaa Ra’isul wasaaraha Somali.