Muqdisho | QOL | May 06, 2017 —Madaxweynaha dowladda Mareykanka Donald Trump ayaa ka hadlay Askari ka tirsan Ciidamada dowladda Mareykanka oo lagu dilay Shabeelaha Hoose.
Madaxweynaha ayaa sheegay in Askarigaasi uu dhintay isagoo gudanaya Waajibaadkiisa Qaran.
Trump ayaa sidoo kale tacsi u diray Ehelada Dhammaan qoyskii uu kasoo jeeday Askariga la dilay.
Waxaa uu wacad ku maray in ay sii waddi doonaan howlgallada dhanka Cirka ah ee ay la beegsanayaan dagaalyahnada Al-Shabaab.
Waa askarigii ugu horeeyay oo Mareykanka looga dilo gudaha dalka Soomaaliya ka dib Burburkii.
Sanadkii 1993-dii ayaa waxaa Magaalada Muqdisho lagu dilay 18 Askari oo Mareykanka u dhashay.
Ciidamada Mareykanka ayaa qaada hawlgalada qorsheysan ee lagu weeraro deeganada ay gacanta ku hayaan Ururka Al Shabaab, iyagoo ciidanka adeegsanaya diyaarado Helicoptero ah
W/Q:-BASHIIR BARRE ALI
Xafiiska Wararka Qaranimo Online | Muqdisho
_______________________________
_____________________________________________________________________________________
Xafiiska Wararka Qaranimo Online | Mogadishu, Somalia
_____________________________________________________________________________________