Muqdisho | QOL | 07 August 2017—Cabdi Faarax Saciid Juxa Wasiirka Arrimaha Gudaha Soomaaliya oo Saxaafadda kula hadlay Magaalada Muqdisho ayaa sheegay in Maamulka Gobolka Banaadir iyo Shacabka Muqdisho ay Wasaaraddiisu ka gacansiin doonto sidii ay u heli lahaayeen Xuquuqdooda ee ku aadan Maqaamka Muqdisho.
Waxaana uu hoosta ka xariiqay in Wasaaradda Arrimaha ay dadaal xoogan u gali doonto sidii looga mira dhalin lahaa qorshayaasha ku aadan hirgelinta Maqaamka Magaalada Muqdisho.
Bulshada Muqdisho ku nool oo ay ugu horreeyaan Waxgaradka iyo Siyaasiyiinta ayaa horay cabasho xoogan uga muujinayay in la iska indha tirayo Xuquuqda 3 Million oo qof oo ku nool Caasimadda Soomaaliya ee Muqdisho.
Hadalka ka soo baxay Wasiirka Arrimaha Gudaha Soomaaliya ayaa imaanaya xilli ay isi soo tarayeen baaqyada ku aadan in xal loo helo Maqaamka Magaalada Muqdisho, waxaana laga dhur sugi doonaa sida Wasaaradda Arrimaah Guduhu ay u fuliso arrintaan.
Xafiiska Wararka Qaranimo Online | Muqdisho
___________________________________________
Xafiiska Wararka Qaranimo Online | Mogadishu, Somalia
_____________________________________________________________________________________