Muqdisho | QOL | 30 Agoosto 2017 – Dowladda Kenya ayaa Xarakada Al-shabaab ku eedeysay in ay xalay weerar ku qaadeen Saldhig Boolis,sidoo kalena gubeen Anteeno Isgaarsiineed oo degaankaas ku lahayd Sharikadda Safaricom.
Maxamuud Salax oo ah isku duwaha Amniga Waqooyi Bari Kenya ayaa sheegay in saddex qeybood oo ka tirsan Al-shabaab ay weerar ku qaadeen Magaalada Dhama,sidoo kalena ay gubeen 4 Gaari oo ay Booliska lahaayeen.
Meelaha kale ee ay gubeen waxaa ka mid ah Xarunta ay ku shiraan Maamulka Magaalada Dhama oo hoostagta Mandheera,waxaana uu intaas ku daray in weerarkaas kaliya ay Haweeneyn deris lahayd ku dhaawacantay.
Weerarkan waxaa uu yimid Labo Maalmood kaddib markii weerar lagu qaaday Ciidamo ka tirsan Kenya oo Marayay Waqooyi Bari laga dilay Labo Askari.
Dowladda Kenya ayaa sheegtay in Askar ka badan 50 looga dilay Waqooyi Bari Kenya Saddexdii Bilood ee u dambeysay,weerarro u badnaa Miinooyinka Waddada la geliyo iyo weerarrada Jidgalka ah.
.
Xafiiska Wararka Qaranimo Online | Muqdisho
_____________________________________________
_____________________________________________________________________________________
Xafiiska Wararka Qaranimo Online | Mogadishu, Somalia
_____________________________________________________________________________________