Muqdisho | QOL | September 18, 2017 – Magaalada Alexandria ee dalka Masar waxaa lagu dilay Zeinab as-Sayyid Mahfouz oo ah hooyo 81 jir ahayd,waxaana dilay wiil ay iyada dhashay.
Wiilka ayaa jir dil u geystay hooyadii kaddib markii ay ka soo cabatay xaaska uu isaga qabo oo sheegtay in hooyadiis ay isaga kala noolaan la’dahay.
Hooyada oo laga soo tuuray dabaq dheer ayaa lagu arkay dhismaha hoostiisa iyada oo dhiigbaxeysa waxaana la geeyay Isbitaal halkaas oo ay ku geeriyootay.
Wiilka iyo Xaaskiisa oo isku dayay in ay ka baxsadaan Guriga waxaana iyaga oo cararaya gacanta ku dhigay Booliska kuwaas oo hadda xabsiga magaalada ku haya.
Dalka Masar ayaa arrintan aad looga hadal hayaa waxaana ay dadka dalbanayaan in wiilkaas la geeyo caddaaladda lana marsiiyo ciqaabta falka uu geystay.
Xafiiska Wararka Qaranimo Online | Muqdisho
______________________________________________
_____________________________________________________________________________________
Xafiiska Wararka Qaranimo Online | Mogadishu, Somalia
_____________________________________________________________________________________