Muqdisho | QOL | 21 October 2017 – Isgoyska Soobe ee Magaalada Muqdisho ayaa loogu Magac daray Milkiilaha Daarta Ganacsiga ee Isgoyska Soobe ku Taal, 14-kii Bishaan waxaa ka dhacay Qarax ay ku nafwaayeen dad gaaraya 358 qof oo Dowladda Soomaaliya in ay kasii kordhi karaan maadaama 56-qof wali lagu la’ yahay Nolol iyo Geeri.
Wasiirka Warfaafinta Soomaaliya Eng Cabdiraxmaan Cumar Cismaan Yariisow ayaa sheegay in laga bilaabo 20-kii October Xukuumadda Soomaaliya ay magaca ka badashay Isgoyska Soobe, una bixisay Isgoyska 14-ka October.
Wasiir Yariisow ayaa Tibaaxay in Magac badalkaas isgoyska ay ugu tala gashay Xukuumadda in lagu xusuusto Dadka ku dhaw 700-da boqol ee waxyeelada kasoo gaartay, qaarkoodne aanan Nolol iyo Geeri lagu heyn 8-Ceshe kadib.
Dowladda Federaalka ayaa sheegtay in Taalo ka tarjumeysa Dadkaas ay ka dhisi doonto Isgoyska 14-ka October (Ex Soobe), Waxa ayna Markale Tacsi la wadaageen Ehelada Dadkii waxyeeladu ka gaartay Qaraxaasi.
Xafiiska Wararka Qaranimo Online | Muqdisho
____________________________________________________
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
