Muqdisho | QOL | November 01, 2017 — Madaxweynaha Soomaaliya Maxamed C/llaahi Farmaajo ayaa Xarunta Madaxtooyada ku qaabilay Madaxweyne kuxigeenka Galmudug Maxamed Xaashi Carabey, Guddoomiyaha Baarlamaanka Galmudug Cali Gacal Casir iyo Guddoomiye kuxigeenka labaad.
Kulankan ayaa ahaa mid looga hadlayay xal u helida khilaafka Galmudug, iyadoo Madaxweyne Farmaajo uu bilaabo waan waan uu ka dhex wado Madaxda Galmudug ee uu khilaafka u dhaxeeyo.
Wararka ayaa shegaya in kulanka Madaxweyne Farmaajo uu la qaatay Mas’uuliyiintan uu horudhac u ah kulan Madaxtooyada qaban qaabineyso oo ay isku keeneyso Madaxda Galmudug ee uu khilaafka u dhaxeeyo.
Madaxweyne Farmaajo ayaa maalmo ka hor Mas’uuliyiintan ugu yeeray inay yimaadaan magaalada Muqdisho, si wadatashi loola yeesho, isla markaana loo xaliyo khilaafka ka jira Galmudug.
Khilaafka ka dhex bilowday maamulka Galmudug ayaa ka dhashay go’aankii Madaxweynaha Galmudug Axmed Ducaale Geelle Xaaf uu ku taageeray isbaheysiga Sacuudiga iyo Imaaraadka, waxaana go’aankaas ka hor-yimid Madaxweyne kuxigeenka iyo Guddoomiyaha Baarlamaanka Galmudug.
Xafiiska Wararka Qaranimo Online | Muqdisho
_______________________________________________________
_____________________________________________________________________________________
Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
