Muqdisho | QOL | November 04, 2017 —Xildhibaannada Golaha shacabka Soomaaliya ayaa yeelanaya kulankoodii Caadiga ahaa,waxaana maanta Xildhibaanada ay aqrinta 1aad marin doonaan Hindise sharciyeedka Tirakoobka Qaranka.
Xildhibaannada ayaa sidoo kale ka doodi doona qodobada qaar ee la xiriira heerka siyaasadeed iyo amni ee dalka Soomaaliya,waxaana jira Xildhibaanno ku baaqaya in madaxda ugu sarreyxsa dalka ay hortagaan Golaha shacabka si wax looga weydiiyo xaaladda dalka.
Sidoo kale waxaa jira Xildhibaanno diiddan arrintaas islamarkaana qaba in dalka uu marayo meel wanaagsan islamarkaana aan loo baahneyn in hadda qal qal la geiyo xaaladda siyaasadeed ee dalka.
Muqdisho waxaa wali ka socda shirka dowladda dhexe iyo dowlad Goboleedyada iyada oo wal ay goradda iskula jiraan adaxda Gobollada iyo kuwa dowladsa dhexe.
Xildhibaannada qaar ayaa ku doodaya in dalka uu maanta marayo meel halis ah loona baahanyahay in lala xisaabtamo Ragga haya talada dalka.
Xafiiska Wararka Qaranimo Online | Muqdisho
_______________________________________________________
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________