Muqdisho | QOL | November 20, 2017–Gudoomiyaha xiriirka kubadda cagta Soomaaliyeed ahna gudoomiyaha tartanka bariga iyo bartamaha Africa ee CECAFA oo lagu qabanayo dalka Kenya Cabdi Qani Saciid Carab oo lahadlayay warbaahinta maanta oo isniin ah ayaa gabi ahaanba meesha ka saaray wararka sheegayay in Soomaaliya aysan koobkan ka qeyb gali doonin sanadkan.
Cabdi qani Saciid Carab ayaa sheegay in wararka maalmihii lasoo dhaafay lagu faafinayay baraha bulshada aysan waxba ka jirin, been abuurna ay yihiin, isagoo carabka ku adkeeyay in Soomaaliya ay xubin buuxda ay ka tahay wadamada ka qeyb galaya tartanka Bariga iyo Bartamaha Africa.
Waxa uu xusay in tartanka sanadkan uu isaga ka yahay Gudoomiye, meelna uusan ku maqlin meel Soomaaliya tartanka looga saarayo, sidoo kalana aysan jirin cid ka saari karta tartan ee xaq u leedahay Soomaaliya inay ciyaarto.
Cabdi Qani Saciid Carab ayaa ugu danbeyntii ugu baaqay bulshada Soomaaliyeed inaysan aaminin waxa ay ku arkeen baraha Bulshada, isagoona cod dheer ugu baaqay inay cid kasta oo dooneysa inay xaqiiqda ogaato ay lasoo xariiraan xafiisyada iyo masuuliyiinta ku shaqada leh si ay u siiyaan xog saxan oo ku aadan xeerarka lagu maamulayo koobka bariga iyo bartahama Africa oo sanadkaan ka dhacaya dalka Kenya.
Xafiiska Wararka Qaranimo Online | Muqdisho
___________________________________________________
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________