3147 Views

Al-shabab Oo Mar kale Xalay Weeraray Dagmada Afgooye

Al-shabab Oo Mar kale Xalay Weeraray  Dagmada  Afgooye
____________________________________________________________________________

Muqdisho | QOL | December 26, 2017 –Iska horimaad Xoogan, ayaa caweysnimadii xalay ka dhacay Degmada Afgooye ee Gobolka Shabellaha Hoose, ka dib markii Xoogaga Ururka Al Shabaab ay weerareen kontorool Ciidamada Dowladdu ku leeyihiin dhinaca galbeed ee degmadaasi.

Shabaabka weerarka soo qaaday, ayaa la sheegay inay wateen gaadiidka dadweynaha, iyadoo xilligii uu weerarku dhacayayna ay kala daadsanaayeen Ciidamada Dowladda.

Wariye-yaasha, ayaa soo sheegaya in Ciidamada Dowladda ay soo baneeyeen kontoroolkii ay ku sugnaayeen, inkastoo ay dib ugu laabteen markii uu gurmad xoogan soo gaaray.

Wararka, ayaa sheegaya Shabaabku in muddo kooban ay la wareegeen gacan ku haynta qaar ka mid ah xaafadaha ku yaala dhanka galbeed ee Degmada Afgooye.

Dagaalkan, ayaa dhaliyay khasaaro labada dhinac ah iyo weliba dadka rayidka, walow aan faah faahin laga haynta inta uu gaarsiisan yahay khasaaraha labada dhinac, ayaa dhanka kale waxaa la’ogyahay dhimashada laba ruux oo rayid ah oo midi ay haweeney tahay iyo dhaawaca nin oday ah.

Khaalid Cali oo ka mid ah dadka reer Afgooye, ayaa Qaranimo u sheegay in weerarkii xalay ka dhacay degmadaasi uu qalqal ku abuuray bulshada deegaanka.

Shabaabka, ayaa kordhiyay weerarada ka dhanka ah Degmada Afgooye, waxaana uu weerarkan noqonaya kiisii saddexaad oo bishan oo keliya ay ka gaysteen degmadaasi.

 

 

 

Xafiiska Wararka Qaranimo Online | Muqdisho 

_______________________________________________

_____________________________________________________________________________________

Xafiiska Wararka Qaranimo Online | Mogadishu, Somalia

_____________________________________________________________________________________

Advertisement

_____________________________________________________________________________________ _____________________________________________________________________________________ _____________________________________________________________________________________

Share This Post

Post Comment