Talaado: july 27 2021
Madaxtooyada dalka Turkiga ayaa maanta canbaareysay go’aankii madaxweynaha dalka Tuunis uu xilka uga qaaday ra’iisal wasaarihii dalkaas sidoo kalena uu ku joojiyay howlihii baarlamaanka dalkaas. Dowladda Turkiga ayaa ku tilmaantay tillaabadaas mid ka dhan habsami usocodkii dimuquraadiyeenta dalka Tuunis.
Afhayeenka madaxtooyada Turkiga Ibraahim Kaalin ayaa sheegay in dowladdiisu diidan tahay in rabitaanka shacabka Tuunis la dhinac maro , iyadoo la carqaladeynaayo dimuquraadiyadda dalka Tuunis.
Dhanka kale, dowladda Qatar ayaa ugu baaqday dhinacayada siyaasiyiinta iyo madaxda dowladda Tuunis inay ka baaqsadaan wax dhibaato u keeni kara dalka iyo dadka Tuunis.
Bayaan kasoo baxay wasaaradda arrimaha dibadda Qatar ayaa loogu baaqay siyaasiyiinta reer Tuunis inay khilaafka jira ku dhameeyaan wada hadal si looga gudbo dhibaatada ka jirta dalka
Madaxweynaha Tuunis Qeys Saciid ayaa xalay xilka ka qaaday ra’iisal wasaarihii dalkaas isagoo sidoo kalena joojiyay dhammaan howlihii baarlmaanka.
Xisbiga ugu weyn dalka Tuunis ee lagu magacaabo Al-nahda ayaa ku tilmaamay go’aanka madaxweynaha mid baalmarsan sharciga dalka u yaal.
Office Nairobi Kenya
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________