Diyaarad helicopter ah ay ku burburtay koonfurta dalka Talyaaniga oo ay ku dhinteen 7 qof oo Ciidamo ah

____________________________________________________________________________

Axad: NOVEMBER 6, 2022

Dhammaan 7-dii qof ee la socday ayaa dhintay markii diyaarad helicopter ah ay ku burburtay koonfurta dalka Talyaaniga Sabtidii, sida ay sheegtay warbaahinta Talyaaniga.

Diyaaradda helicopter-ka ayaa laga waayay raadaarka Castelpagano di Apricena, oo ah dhul beereed ku yaala gobolka Puglia. Waxay kicisay hawlgal baadi goob ah oo ay ka qayb qaateen ciidamada cirka iyo kuwa dab-damiska.

Ku xigeenka madaxa maamulka gobolka, Raffaele Piemontese, ayaa markii dambe xaqiijiyay in dhammaan todobadii qof ee saarnaa ay naftoodii ku waayeen, sida uu sheegay Corriere della Sera.

Dadka dhintay waxaa ka mid ah qoys ka kooban afar dalxiisayaal ah oo ka yimid Slovenia, oo ay ku jirto gabar 13 jir ah, sida uu sheegay wargeyska. Dhaqtar deegaanka ah iyo labadii duuliye ee diyaaradda helicopter-ka ayaa sidoo kale dhintay.

Diyaaradda helicopter-ka ayaa ku duuleysay waddo u dhexeysa Foggia ee Puglia iyo jasiiradaha Tremiti ee xeebta markii ay ku dhacday cimilo xun..

Office Nairobi Kenya

_____________________________________________________________________________________