Muqdisho | QOL | May 28, 2019–Dowladda Holland ayaa aqoonsatay baasaboorka Soomaaliga, gaar ahaan kan Shaqada ee loo yaqaano Servive iyo Diblomaasiga, iyadoo lagu geli karo dalkeeda.
Safiirka Soomaaliya u fadhiya Midowga Yurub Danjire Cali Saciid Faqi ayaa shaaca ka qaaday in dowladda Holland ay si rasmi ah u aqoonsatay in dalkeeda lagu geli karo Baasaboorada Diblomaasiga iyo Shaqaalaha ee Soomaaliya.
“Waxaan aad ugu faraxsanahay inaan idin la wadaago in dowladda Netherlands ay aqoonsatay Baasaboorka Diplomaasiga iyo kuwa Service-ka laga soo bilaabo May 15 2019, Baasaboorada la aqoonsaday waxaa laga soo bilaabay kuwa la bixiyay 2014-ka” ayuu Cali Saciid Fiqi.
Dalal dhowr ah ayaa horay u aqoonsaday Baasaboorka Soomaaliya, waxaana dhowaan dowladaha Belgium iyo Luxemburg ay aqoonsadeen Baasaboorka Soomaaliga, gaar ahaan Diblomaasiga iyo Service.
Hey’adda Socdaalka iyo Jinsiyadda Soomaaliya ayaa sanadihii u dambeeyay waday dadaalo lagu horumarinayay Baasaboorka Soomaaliga, una heli lahaa aqoonsi caalami ah oo lagu tagi karo dhammaan dalalka Adduunka.
Xafiiska Wararka Qaranimo Online | Muqdisho
_____________________________________________________
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
