Mogadisho | QOL | September 08 2020—Xaaladda Magaalada Balcad ayaa hadda daggan kadib markii Al-Shabaab Saakay aroortii ay ku qabsadeen dagaal Xaafado ka mid ah Saacaddo kooban.
Goobjoogayaal ayaa Risaala u xaqiijiyay in hadda Ciidanka dowladda Soomaaliya ay gacanta ku hayaan Magaalada, islamarkaana ay ka waddaan howlgallo.
Khasaare kala duwan ayaa kasoo gaaray dagaal dhexmaray Ciidanka dowladda iyo Al-Shabaab, waxaana labada dhinac ay guulo ka sheegtay dagaalka.
Guddoomiyaha Degmada Balcad Qaasim Cali Nuur ayaa sheegay in ay degan tahay xaaladda Degmadaasi,Ciidamaduna ay hadda joogaan talisyadii iyo goobihii kale baraha koontaroolada ee degmadaasi.
Waxaa uu sidoo kale sheegay in dagaalkaasi ay ku dileen 14 xubnood oo ka mid ah Shabaab.
Hal askari ayaa ka dhintay ciidamada xoogga,halka uu dhaawac ka soo gaaray dhowr qof oo rayid ah sidda uu xaqiijiyay gudoomiyaha.
Wararka ayaa waxaa ay intaasi ku darayaan in Al-Shabaab ay Saldhiga degmada Balcad kasii daayeen Maxaabiis inkastoo warkaasi aan si rasmi ah loo xaqiijin karin.
Xafiiska Wararka Qaranimo Online | ______________________________________________________________
Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
