May 29 2021
Liberia ayaa $71,000 (£50,000) ku kharash gareysay soo dhoofinta saddex kartoon oo yaryar oo ay ku jiraan dawo-dhaqameed lagu sameeyay dalka Madagascar taas oo lagu sheegay inay daweyso Covid-19, sida ay sheegtay wasaaradda caafimaadka dalkaas.
Arrintan ayaa muran ka dhalisay gudaha Liberia, gaar ahaan kaddib markii wasaaraddu ay ka noqotay hadalkeedii hore ee ahaa in dawadan ay deeq ahaan uga timid dowladda Madagascar isla markaana ay dowladda Liberia keliya bixisay kharashka soo dhoofinta saddexda kartoon ee yaryar.
Muuqaalka Madaxweyne George Weah oo sanad kahor dawadan ku guddoomaya garoonka, ayay dadku iskula wadaageen baraha bulshada.
Waxtarka dawo-dhaqameedkan ayaan weli la caddeyn inkastoo dhowr jeer la baaray.
Madagascar, oo hore ugu tiirsaneyd dawadan, ayaa haatan dalbatay tallaalka uu ansixiyay Ururka Caafimaadka Adduunka.
Ma cadda haddii in Liberia ay bulshada usoo bandhigtay dawadan iyo in kale.
Waa fadeexaddii ugu dambeysay ee hareysay maamulka Mr Weah oo lagu dhaliilo si xun u isticmaalidda lacagaha dadweynaha.
Office Nairobi Kenya
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________