Sheikh Umal “ Ninka ku dhagan Kursiga Somaliya waxaan leeyahay ka dag Kursiga adiga ma lihide daawo Muqaalka ..

____________________________________________________________________________

6- Marso, 2021

Sheikh Maxamed cabdi Umal oo ka mid ah Culumadda Soomaaliyeed ayaa digniin iyo fariin u diray Madaxweynaha waqtigiisa dhamaaday Maxamed C/laahi farmaajo oo u sheegay in uu kursiga ka dago.

Shekh Umal oo Qudbadiisii jimcaha shalay ku soo qaatay xaalada Soomaaliya ayaa u sheegay farmaajo in uu arko dhibaatada ka taagan wadamada dariska ah hadii la isku dhajiyo kursiga dhibaatada ka imaan karto.

“ Ninka kursiga ku dhagan waxaan leeyahay kuwaana qaado waxa ka dhacayo dariskaaga, sabab ha u Noqonin kursiga aad isku dhajinayso in uu qof Muslim ah dhiigiisa ku daato, Waxaan kuu sheegaa qof Muslim ah hadii la xagto adoo kursiga isku dhajinaya waxaan kuu sheegaa alle maalintaa soo hor istaagto adaa Mas’uuliyadeeada qaadayso ogoow taasi”ayuu yiri shekh Umul oo fariin u Diray Madaxweynaha waqtigiisa dhamaaday farmaajo.

Dhinaca kale sheekha ayaa ugu baaqay farmaajo in uu tanaasulo, waxa uuna sheegay in uusan la dhalan kursiga uusana dhalin.

“ Umada waxaa looga tagaa wax badan danaahaaga qaaska ah ayaa looga tagaa, tanaasul Tanaasulka waa Qayr iyo Maslaxo, Sayid Nimada qaado sharafta qaado oo karaamada qaado ”ayuu mar kale Yiri Umul oo Fariin dardaaran ah u diray Madaxweynaha waqtigiisa dhamaaday farmaajo.

Sidoo kale waxa uu sheegay in Nin kursiga xoog lagaga qaato in uusan lahayn sharaf nin la eryay sharaf maleh, waxa uu sheegay sheikh in Nin umadiisa u tanaasulay ayaa sharaf iyo qiimo ku leh aduunka, ayuu yiri shekh Umal.