Talaado: September 28, 2021
Haweenka reer Afgaanistaan, ee garsoore ka soo noqday xukuumaddii hore, ayaa BBC-da u sheegay in ay naftooda u baqayaan.
Haweenkaas qaarkood ayaa sheegay inay dhuunteen, kadib markii Taalibaanka ay la wareegeen gacan ku haynta dalkaas, iyagoona lagu qasbay inay dhowrkii maalmoodba ay mar beddelaan goobta ay ku sugan yihiin.
Mid ka mid ah, oo xukun ku ridday xubin ka tirsan Taalibaan kadib markii uu dilay xaaskiisa, ayay sheegtay in maxbuuska oo hadda laga sii daayay xabsiga, uu ku daba jiro, isagoona ugu hanjabay inuu dilayo.
Afhayeen u hadlay Taalibaan ayaa BBC-da u sheegay in ballanqaadkoodii ahaa, cafiska guud ee loo fidinayo shaqaalaha dawladdii hore la dhowri doono.
U dhaq dhaqaaqayaal, ayaa qiyaasaya in in ka badan 2 boqol oo garsoore dumar ah ay weli ku sugan yihiin Afgaanistaan ayna noloshooda halis ku jirto.
BBC
Office Nairobi Kenya
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
