Sabti: October 9, 2021
Madaxweynihii ugu horreeyay ee kacaanka Iiraan Abolhassan Banisdar, ayaa ku geeriyooday isbitaal ku yaal magaalada Paris ee dalka Faransiiska kaddib muddo dheer oo uu xanuunsanayay.
Banisdar oo da’diisu aheyd 88 sanadood, wuxuu dalka Iran uu madaxweyne ka soo noqday 1979-kii xilligi uu curtay kacaanka Iran uu horkacayey Aayatullaah Ruhollah Khomeini, isaga oo kacaanka kaga soo biiray dalka Faransiiska.
1980-kii marka uu xilka madaxweynanimada uu hayey 16 bilood ayaa xilka madaxweynanimada uu ka xayuubiyey baarlamaanka dalka Iran, wixi intaa ka dambeeyeyna wuxuu u baxsaday Faransiiska isaga oo magangalyo siyaasadeed ka helay.
Banisadr ayaa Iiraan lagu xiray 1960-yadii kaddib markii uu ka soo horjeestay boqortooyadii Shah ee dalkaasi ka arriminaysay.
Madaxweynanimada ka sokoow wuxuu Banisdar uu dalka Iran uu ka soo qabtay xilal ay ka mid yihiin wasiirka dhaqaalaha iyo wasiirka arrimaha dibadda.
.BBC
Office Nairobi kenya
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________