Sabti: NOVEMBER 26, 2022
Wararka ka imaanaya Magaalada Kismaayo ee xarunta dowlad-goboleedka Jubbaland ayaa sheegaya in Maamulka Axmed madoobe uu xiray saddex oday dhaqameed oo kamid ah dhaqanka ugu caansan deegaanada maamulkaasi, kuwaasi oo la xiray sadax Usbuuc ka hor.
Odayaasha xiran ayaa kala ah Ugaas Axmed Ugaas Siraad Ugaas Baqow, Nabadoon Cabdullaahi Bile Siciid iyo Nabadoon Cabdi Bare Maxamed (Bare Ashuun), kuwaasi oo ka soo jeeda beesha Hartiga.
Wararka ayaa intaas kusii daraya in Saddexdaan Oday dhaqameed la xiray kadib markii ay degmada Jilib u tageen xarig ay kooxda Al-Shabaab u gaysatay ganacsato ka soo jeeda beeshooda.
Sidoo kale Odayaal dhaqameedkaan ayaa weli wax maxkamad ah la gayn, ayada oo maamulka Jubbaland uu mamnuucay in laga hadlo xarigooda, xili ay Kismaayo ku xiran yihiin in ka badan labo toddobaad.
Office Nairobi Kenya
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________