(Warbixin):-Somalia Oo Kaalinta 112-Aad Ka Gashay Dadka Ugu Farxadda Badan Caalamka

____________________________________________________________________________

Muqdisho | QOL | Maarso 21, 2019 –QM waxay soo saartay Liiska dadyowga ugu farxadda badan iyo kuwa aan farxsanayn ee 156 Waddan.

Warbixinta waxaa lagu sheegay in dadka u dhashay dalka Finland ay sannadkii labaad kaalinta 1-aad ka noqdeen dalalka ugu farxadda badan Caalamka.

Dalka Finland oo ay ku nool yihiin 5.5 million oo qof, waxay caan ku yihiin jacaylkooda Kaymaha, Harrooyinka iyo dhismayaasha la isku qalajiyo, khibradda nolosha, Dakhliga soo gala iyo Taageeradda Bulshadda.

Warbixinta QM waxaa kalo olagu xusay in Dalalka kale ee Kaalimaha 10-ka ugu horreeyey ka galay Qiimeyntaasi ay kala yihiin: Denmark, Norway, Iceland, Netherlands ama Holland, Switzerland, Sweden, New Zealand, Canada iyo Austria.

Warbixinta QM waxaa kaloo lagu sheegay inay Somalia kaalinta 112-aad kaga jirto Qiimeynta Dadyowga ugu farxadda badan dalalka Caalamka, halka dalka aan faraxsanayn lagu sheegay dalka Koonfurta Suudaan, halkaasi oo ay QM dhawaan sheegtay in dadka ku nool dalkaasi ay 60% soo wajahday ammaan-xumida cuntada, kadib, dagaallo sokeeye oo ay ku naf waayeen dad lagu qiyaasay 400,000 oo qof.

Dalalka kale ee Kaalimaha hoose ka galay Qiimeyntan waxa ka mid ah Yemen, Afganistan iyo Afrikada Dhexe.

Qiimaynta Farxadda ee Caalamka waxaa la daabacay shalay oo ay taariikhdu ku beegnayd 20-kii bishii March, taasi oo loo aqoonsaday Maalinta Caalamiga ee Farxadda (The International Day of Happiness).

Haddaba, haddaynu eegno Liiska Qiimeynta Farxadeed ee dadyowga caalamka waxay u kala galeen sidatan: