Muqdisho | QOL August 22, 2019 —Magalada Kismaayo ee Xarunta Gobolka Jubbada Hoose waxaa haatan siweyn looga dareemayaa qaban qaabadii u dambeysay ee ku aadan doorashada Madaxweynaha Maamulka Jubbaland.
Xarunta lagu qabanayo doorashada ee Magalada Kismaayo oo amaankeeda siweyn u sugayaan Ciidamada Booliska Jubbaland iyo kuwa AMISOM ayaa waxaa ku sugan inta badan Xildhibaannada Cusub ee Jubbaland, Odayaal, Siyaasiyiin & Xildhibanao ka tirsan labada Aqal ee Baarlamaanka Soomalaiya.
Ilaa Afar Musharax oo midi haween tahay ayaa Maanta ku tartami doono doorashada Madaxweynaha Dowlad goboleedka Jubbaland,kuwaas oo kala ah.
1: Axmed Maxamed Islaam
2: Maxamuud Muxumed Cumar (Kuuloow)
3: Musharax Maxamed Cumar Geedi
4: Canab Maxamed Daahir
Doorashada Maanta ka dhaceysa Magalada Kismaayo ayaa natiijada kasoo baxda waxaa horay u sheegay inaysan aqoonsan doonin Dowladda Federaalka Soomaaliya halka Beesha Caalamka ay si lamid ah shaki gelisay inay aqoonsato.
Xafiiska Wararka Qaranimo Online | Muqdisho
________________________________________________
_____________________________________________________________________________________
Xafiiska Wararka Qaranimo Online | Mogadishu, Somalia
_____________________________________________________________________________________