Muqdisho | QOL | September 15 2019 —Shirka Maalgashiga Maamulka Puntland ayaa goordhow waxaa uu ka furmay caasimadda Puntland ee Garoowe, waxaana ka qayb-gelaya Maalgashadayaal caalami ah, Ganacsato Soomaaliyeed, siyaasiyiin, Hay’addo caalami ah iyo masuuliyiin kale.
Shirka ayaa waxaa furay Madaxweynaha Puntland Mudane Siciid Cabdullaahi Deni, waxaana ka qayb-geli doona Madaxweyne Ku-xigeenka Puntland Axmed Cilmi Cismaan Karaash, Guddoomiye Ku-xigeenka Kowaad iyo Labaad ee Golaha Wakiilada Puntland iyo masuuliyiin ka tirsan Goleyaasha Xukuumadda Puntland.
Madaxweynaha Dowlad Goboleedka Puntland Siciid Cabdullaahi Deni ayaa la filayaa in shirka uu khudbad ka jeediyo,isaga oo kaga hadli doono meelaha Puntland ay dooneyso in laga maalgashto & qodobo kale.
Ammaanka Magalada Garoowe ayaa aad loo adkeeyay,waxaana Maanta siweyn halkaasi looga dareemayaan shirka Maalgashiga Puntland oo Maanta ka furmay Magalada Garoowe.
Xafiiska Wararka Qaranimo Online | Muqdisho
______________________________________________________
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________