April 17 2021
Waxaa magaalada Muqdisho xabsiga la dhigay 10 ka mid ah Ciidamada Booliiska Somaliya, sida uu sheegay Taliska Ciidanka Booliska Soomaaliya.
Ciidankan oo ka tirsanaa Saldhiga Degmada Hodon ayaa la sheegay in ay diideen inay Weeraraan guriga taliyihii hore ee ciidanka booliska gobalka Banaadir Jeneraal Saadaq Joon, kaasi oo dagan aagga Shiirkole.
Ciidan kan ayaa la sheegay in ay Mobilada ka qaateen Ciidamada sadaq joon, kadibna ay ku amreen in ay ka tagaan aaga oo aysan rabin Naftooda iyo Qoryaha ay wataan.
Intaas kadib ayaa la sheegay in la waayay askartaas Tel lagala soo xiriiro, saacado kadib ayay tageen saldhigii ay ka tirsanaayeen ee Degmada Hodon, waxaana la sheegay in laga shakiyay oo Xabsiga loo tabaaxay.
Sidoo kale Taliska ciidanka booliska ayaa askartaan markii ay u tageen amray in la xiro, waxaana lagu eedeeyay dacayaad amni maadaama ay ka soo tageen goob amaankeeda lagu haleeyay waliba iyadoo aan wax dagaal ah dhicin. Waxaa sidoo kale lagu qabsaday sababta aysan ula dagaalin markii ay u yimaadeen ciidanka Saadaq.
Xaaladda magaalada Muqdisho ayaa hadda dagan balse waxaa weli jira jawi colaadeed oo ka dhashay dhaq-dhaqaaqyadii ciidan ee xalay. Dowladda Soomaaliya ayaa ka shakisan saraakiisha qaar oo ay aaminsan tahay inaysan diyaar u aheyn weerarka Saadaq Joon.
Office Nairobi Kenya
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________