.
Sabti: June 26 2021
Nin toorey ku hubeysan ayaa la soo sheegayaa inuu dad caddaan ah ku dilay maanta Magaalada Würzburg oo ka tirsan gobolka Bayern ee dalka Jarmalka.
Warbaahinta dalkaas ayaa sheegtay in ninkaas uu markii hore wadada ku ceyrsanaayey haweeney, hase ahaatee uu markii dambe tooreyda ku weeraray dadkii wadada marayey qaarkood oo isku dayey iney ka celiyaan haweeneyda uu daba joogay.
Wakaaladaha wararka ayaa qoraya in ninkan Soomaaliga ah ee Tooreyda ku hubeysnaa uu halkaas ku dilay saddex qof, halka qaar kalena uu dhaawacyo kala duwan gaarsiiyey.
Booliska oo markii dambe soo gaaray goobta ayaa ku guuleystay iney dhaawac u geystaan ka dibna qabtaan ninkan oo haatan xabsiga ku jira, waxayna saraakiishu sheegeen iney socdaan baaritaano.
Goobta uu weerarku ka dhacay oo muddo kooban xirneyd ayaa la sheegay in haatan la furay, iyadoo boolisku sheegeen ineysan jirin wax laga welwelo.
Qaar ka mid ah Soomaalida ku nool Magaalada uu weerarka ka dhacay ee Würzburg ayaa sheegay in ninkan uu mudooyinkanba isku buuqsanaa, uuna u muuqday qof Jahwareersan, waxaana dhacdadan si weyn u hadal haysa warbaahinta Jarmalka iyo kuwa caalamiga ah.
Office Nairobi kenya
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
