Isniin: June 28 2021
Ciidan lagu qiyaasay illaa iyo konton iyo labo, ayey al-shabaab ku dileen shaley weerar dagaal oo ay ku qaadeen magaalada Wisil, waxaa sidaasi qortey bar internet oo Alshabaab taageerta.
Ciidanka dowladda Soomaaliya ayaa sheegay dhankooda iney iyaguna dileen 41 kamid ah dagaal yahanadii soo weerarey.
Wisil waxey katirsan tahay gobolka Mudug, iyadoo 60km waqooyi galbeed ka jirta magaalada xeebeedka dekedda leh qadiimigana ah ee Hobyo.
Dagaalka ayaa bilawdey ka gadaal markii al-shabab bam ay dhigtay jidka dhinaciisa uu qarxey, kahor inta aaney isku dayin la wareegidda saldhig halkaasi ku yaalla.
Dagaalkan Wisil intii uu socday waxaa ku dhintey saddex qof oo rayid ah.
Saacado kahor dagaalkan, ayey maamul goboleedka Puntland waxey toogteen 21 dagaal yahan oo katirsan alshabaab, kadib markii ay xukuntay maxkamad military.
Office Nairobi Kenya
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________